إضطراب الشخصيه الاعتماديه.

كتبت د. منى سعيد.

الاسكندريه.

الاعتماديه هي عدم القدرة على إتخاذ القرارات اليوميه البسيطه والشعور الدائم بالعجز والإستخفاف بالقدرات الذاتيه والشعور الدائم بالحاجة للآخرين وتجنب تحمل المسئوليه وتجنب العمل والخوف الكبير من التخلي عن أشخاص فيشعر أنه مُدَمر في غيابهم و تتميز هذه الشخصيه بالحساسيه الزائدة للنقد والخوف من آراء الآخرين فيهم ووضع إحتياجات الآخرين قبل إحتياجاتهم فَيُكسَر بسهوله عندما يتخلى عنه من أحبه بصدق ويرجع ذلك للحمايه الزائدة للأبوين من الطفوله.
ومضاعفات ذلك خطيرة وهي إصابة الشخص الإعتمادي بالقلق والإكتئاب وربما تناول المخدرات ايضاً.
والحل هو أن يعتمد على نفسه ويتخلى عن مساعدة الآخرين له بالتدريب خطوة خطوة .
لانه حيلعب مع نفسه ومعاك لعبه ممكن يكون ملهاش حل لعبه مرهقه ليك وله
في اللعبه دي مش حبيبطل يشتكي طول الوقت بيشتكي ولا يكف عن الشكوى ولا يكل ولا يمل انا تعبان …انا مظلومه …اصلك مش شايف الصورة كامله ..انا جربت كل حاجة .محدش حاسس بي …ليه كدة يارب ؟
طبعا الشخص دة بيتعمد يشتكي قدامك علشان حضرتك بكل طيبه تحس بيه وتتعاطف معاه وتحط نفسك مكانه او مكانها وتبدا تساعد او على الاقل تقترح حلول للمساعده …جربت تعمل كذا ؟ طيب ليه معملتش كذا ؟؟ طيب ايه رأيك في كيت ؟؟
طيب ازاي اقدر اساعدك ؟؟
وبعد ما حضرتك تندمج في الدور وتجتهد بكل ما أعطاك الله من قوة ومجهود في التفكير والاقتراح تلاقي صاحبنا بيقفل كل باب أنت فتحته قدامه بالضبه والمفتاح ويسد كل طريق إنت بترسمه للحل ويحرق كل كارت بترميه على الترابيزة ويخلي المحصله( صفر).
مهما كان بيحبك ومهما كنت بتحبه حيلعب معاك نفس اللعبه اللي تحس بيها انك زهقان ومرهق جداً ومش عارف تعمل إيه علشان ترضيه وتريحه علشان تشوفه كويس أدامك .
ولما تقوله جربت تعمل كذا ؟؟
انا فعلا جربت دة ومنفعش .
طيب ايه رأيك في كيت ؟؟ الله فكرة حلوة جدا بس مش حتنفع علشان كيت وكيت .
طيب ما تيجي نكلم فلان وعلان ؟
لا مالهوش لازمه مش حيعملوا حاجة .
طيب ما تيجي مع بعض نعمل كذا وكذا .
انا عارف والله انك عاوز تساعدني بس للاسف الطريقه دي مش حتناسبني علشان (أي حاجة ).
قوم تحتار حضرتك وتتضايق وتحس بالعجز والحيله بعدهم الزهق والخنقه والحزن واخيرا تحس باليأس والذنب وتتحول في نظر الشاكي لواحد من الناس العزاز اللي لما احتجنا ليهم سابونا وفي الآخر رمونا وطلعوا اندال بامتياز.
لان الشخص دة حيشعرك دايما بالذنب وإنك مقصر في حقه ولا يرضى أبداً ان تكون المساعده الا بالطريقه التي يحددها هو
أخطبوط هائل من المشاعر السلبيه يتلف حوالين رقبتك في دقايق او ساعات وأحيانا سنين وتحس إنك حتتخنق وحتموت بسبب خوفك عليك ويمكن كمان يسببلك المرض والاكتئاب جنبه لانك حتحس انك مش قادر تساعد حد هو في الحقيقه مش عاوز يساعد نفسه .
حقيقه وبتحصل معانا .

معلومة تهمك

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: