نساء خارج حدود الدنيا

بقلم – أسماء ونان

إلي في الصورة دي إسمها ليندا ارمسترونغ ليندا عاشت في مدينة كرايستشيرش في نيوزيلندا واتولدت فيها لحد ما تزوجت وخلفت و يشاء الله إن أحد أبنائها يتزوج ويكون جاره مسجد يتوافد عليه المسلمين ليندا زيها زي أي أوربي ما تعرفش حاجة عن الإسلام بل ممكن الفكرة إلي بيبثها الاعلام كانت في دماغها.
في يوم من الايام قررت تشوف بنفسها إيه الإسلام ده وخاصة إنها شايفه الناس داخلة وطالعة مسالمة جدا وبيساعدوا بعضهم وغيرهم إستغربت لأن ده مش إلي بتشوفه وبتقرا عنه.
ليندا راحت بنفسها وسمعت وبقت تجمع معلومات وخدت القران كمان تتأكد بنفسها وفي سنة ٢٠١٠ قررت ليندا ارمسترونغ اعتناق الإسلام عن اقتناع وفعلا وسط فرحة كبيرة من كل المسلمين إلي هناك أعلنت إسلامها ورغم إنها ست كبيرة في السن لبست الحجاب و انصاعت لأوامر الله وكانت فرحانه جدا.
ابتدت تخدم في المسجد وتساعد غيرها وتتحلي بأخلاق النبي محمد صلى الله عليه وسلم وكمان اتبنت طفل أفغاني وخدته معاها البيت تربيه.
كان حلمها تزور بيت الله الحرام وفعلا مؤسسة آل زايد الخيرية طلعتها على حسابها وحجت بيت الله ورجعت فرحانه جدا اكتر من الأول.
ليندا في يوم الجمعة سنة ٢٠١٩ خرجت من بيتها زي ما تعودت وراحت المسجد فاجأة شافت واحد داخل المسجد بسلاح وبيضرب في الشباب والأطفال والنساء والكبار وماهموش وعمال يقتل فيهم ما هربتش وسابت المسجد بل جريت وراحت قرر تتلقي هي الرصاص بجسمها وتحمي المصلين راحت جارية على بعض النساء والأطفال إلي كانوا مستخبين مش عارفين يهربوا وكان القاتل داخل عليهم وراحت وخداهم في حضنها وخلت جسمها ياخد الرصاص كله عشان ربنا يكمل فرحتها في الجنة إن شاء الله واستشهدت ليندا ارمسترونغ في حادث نيوزلندا الارهابي نحسبها شهيدة يارب.


ليندا عملت بكلام ربنا رجال صدقوا ما عاهدوا الله عليه هي عهدته تموت في سبيله وربنا نولها مرادها.
رحم الله كل من مات في الحادث الارهابي ونسأل الله أن نراك يا ليندا في الفردوس الاعلى مع النبيين والصديقين والشهداء .
#نساء_خارج_حدود_الدنيا
#ليندا_ارموسترونغ

معلومة تهمك

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: