قصيدة : حب زمان

  كلمات؛: عبدالوهاب قاسم
(بابا عبده)
::::::::::::::::::::
وانا من كتر الحب ف قلبي..
شفت عذاب وألم وهوان..
حب كبير على قلب صغير..
كان لملايكة وإنس و جان..
كان للدنيا بحالها يكفي..
واللي يفيض برضه بيتهان..
دنا حبيت الكون بقساوته..
والحرمان هو الحرمان..
نفسي أحس الحب ف غنوة..
زي الناس واتحب كمان..
بس محدش حاسس بيا..
وسنين عمري وحيد حيران..
اصل الوحدة باقية عليا..
والمفروض عايش إنسان..
لاموا عليا وزادوا شوية..
إوعي تكرر حب زمان..
مش حتلاقي قلوب تستاهلك..
مانت كلامك كله أمان..
دول عايشين الكدب تماللي..
والكداب له ألف لسان..
صدرالحكم عليا وقالوا :
الغلبان يفضل غلبان.. !!!
مهما حكمتم مهما ظلمتم..
حفضل صادق مش ندمان..
مين ينصفني أو يسعفني..
م البحر اللي انا فيه غرقان..
لسه محدش حاسس بيا..
فاتني زمانى وكان ياما كان..
غني يادنيا عليا وقولي :
الغلبان… يفضل غلبان.. !!
(بابا عبده)

ربما تحتوي الصورة على: ‏‏شخص واحد‏، و‏‏يبتسم‏، و‏‏لقطة قريبة‏‏‏‏

معلومة تهمك

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: