تحية الى شهداء مصر الابرار…كمين بطل١٤) هو صح هو إبنك

……بقلمى حامد خلاف خلاف.
لو كان ينفع ………
تكون الاحلام للبيع
وأعيش بضميرى 
صح زى الربيع
كنت أصدق نفسي مره
مش هعيش حياتى المره
ومش هداري حزنى عنك
ومش هعيش إلا بيكِ
تكونى زي ما كنتِ
إحنا بيكِ إنتى عرشى
و إنتى حره وأغلى دره
تكونى حره ولا حزنك أقوى منا
مش هصدق فيكِ كبوه
ولا سقطه يا حبيبه
ولما تكونى حتي صامده
ولا حتى كمان قادره
وإللى باعو وإللى خانو
وإللى غدروا
مهما كسبو ولا عاشوا
يبقى قطعوا من البيت جذوره
ومش هيلاقى حتى كفنه
وإللى غنى بالكدب ثوره
وإللى غش يوم ما هتفو
وإللى دندن صح ف ميدانك
وإللى هز نشيدك قلبه
هو صح هو إبنك..
واللى صان ب إيدة عرضك
مش هيبيعك زى ما قالو باع ارضك
هو زَين جمال عُرسك
وإللى قابل بصدره رصاص غدارينك
هو صح هو إبنك
وإللى ماسك بكفه ذناد سلاحه
وبكفاحه على حدودك
شاري وعدك
هو صح هو إبنك
وإللى ملفوف بعلمك
ف ليلة شتا
مستنى قدره يبقى بطلك
وإللى ساجد من ولادك
واللى بيرتل بنفس راضيه
عمره ما يكون ف يوم جبان
ولسه فاكر إنى أقولك
إنتى من جواكى خير
وبيحسدوكى ع إللى عدى
بكره بيكِ إنتى أحلى
بكره ليكِ والله صابره
ولسه شايلك جو قلبى
ولسه صابر أنا فيكِ
بقوى بيكِ صدقينى
ياجميله أحلى زهره
وإللى بيدندن بعوده
نشيد كفاحك حتى النهايه
وعُوده طهره
لما تبقى أحلى مهره
يبقى صح هو إبنك
واللى بيسابق ساعات سنينه
وبيكتب من تانى تاريخك
وارتوي من شهد نيلك
وصلى كمان بالجد فجرك
ومسح على جبينه
من ورد طينك
يبقى عاشق حبات رمالك
يبقى صح هو إبنك
يبقى حالف يمين العهد
وإللى زارع ورد بساتينك
إللى بتنور كون ربيعك
يبقى سندك يبقى ضهرك
هو صح هو إبنك
وإللى بيفطر على تمره
وصوت أدان الله اكبر
إللى بيزلزل قلوب الغدارين
وبيبقى شهيد متحزنيش
بوليدك إللى عاش
……. وكان دايما بطل
وكتير ولادك يا مصر
حالفين ع الكرامه
والعزة وانتى ام البطل
ومتحزنيش
وإفرحى يام الشهيد

حامد خلاف خلاف

ربما تحتوي الصورة على: ‏شخص واحد‏

معلومة تهمك

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: