فرحة ماتت … يعنى ماااااااااتت !!! لا لحقت تفرح … ولا عباية جابت

عطية أبو حسنين
فرحة أخدت رحمة وصحوا نورا ومنة ويسرية قبل الفجر .. فتيات فى عمر الزهور خرجن من أجل لقمة العيش .. أه والله من أجل لقمة العيش ؟؟ فرحة عايزة تساعد أبوها على فاتورة الكهربا بتاعة الشهر اللى فات .. ورحمة أنبوبة غاز بيتها خلصانة وأمها مش عارفة تتلم على 70 ج تملاااها … ونورا عايزة عباية زى عباية بنت عمتها لمياء ويسرية ناقصها شوية عزال رافيع ليوم زفافها .. وايمان مهمومة بحبوب الضغط بتاعة أمها كل شهر .. لا أله الا الله .. خرجوا والناس لسة نعسانة قبل الشمس ماتطلع .. عين مفتحة وعين لسة مغمضة ماشبعتش نوم من تعب عمل الأمس .. خرجوا علشان يلاقوا ربهم شهداء وهما مايعرفوش المصير جاى الزاااى .. خرجوا أحياء ورجعوا أمواااات مالحقوووش يحققوا أحلامهم لا فرحة جابت العباية ولا رحمة مألئت أنبوبة الغاز لامها .. بالله عليكم خليكم مكان أهاليهم .. وأسألوا نفسكم السؤال دا معايا .. أبهاتهم وأمهاتم صحوهم من الفجرية ليييية ؟؟ بنت عمرها 18 سنة عروسة طالعة من الفجرية ليييييه ؟؟ ربنا سبحانة وتعالى يرزقهم بأهل خيرا من أهاليهم .. يلا يابنات نصيبكم كدة .. كنتوا بتحلموا بلبس الفساتين البيضا .. وزفة حلوة فى ليلة حلوة زى البت بسمة والبت داليا .. لبستم رداء القبر .. ربى أجعلة جنة .. اجعلة رداء الطمئنينة .. أجعلة رداء الفردوس الاعلى ورفقاء لبنات الحور فى الجنة بأذن الله
#### صحيت مفزوع من النوم أفتكرت رحمة ونورا وفرحة بتوع كارثة ميكروباص الأمس .. كتبت الكلمتين دول وحاولت أنام معرفتش أنام .. ربنا يصبر أهاليهم .. النااار للى كابشها ربنا ينزل عليهم بصبر أيوب
وأنا لله وأن اليه راجعون

معلومة تهمك

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: