معلومات تهمك عن عداد الكهرباء الكارت

 

كتب محمد صبري مهران

أولاً في بداية كل شهر يبدأ العداد من الشريحة الأولى والتي تبدأ من صفر إلى 50 كيلو وات ساعة وسعر الكيلو فيها 22 قرش.

معلومة تهمك

بعد استهلاك 50 كيلو ينتقل العداد إلى الشريحة الثانية والتي تبدأ من 51 كيلو وحتى 100 كيلو وسعر الكيلو فيها 30 قرش.

بعد استهلاك 100 كيلو ينتقل العداد تلقائيا إلى الشريحة الثالثة التي تبدأ من 0 كيلو وحتى 200 كيلو وسعر الكيلو فيها 36 قرش وعشان كده العداد بيرجع يحاسبك بسعر الشريحة الثالثة 36 قرش من أول كيلو سحبته وبيخصم حاجة اسمها تسويات مالية.

بعد سحب 200 كيلو ينتقل العداد من الشريحة الثالثة إلى الرابعة والتي تبدأ من 201 كيلو إلى 350 كيلو وسعر الكيلو فيها 70 قرش.

فيه بقى مبالغ يتم خصمها عند الانتقال من شريحة لأخرى.

فبعد الشريحة الأولى يتم خصم 1 جنيه خدمة عملاء وبعد الشريحة الثانية يتم خصم 2 جنيه خدمة عملاء وبعد الشريحة الثالثة يتم خصم 6 جنيهات خدمة عملاء.

بعد استهلاك 100 كيلو يتم خصم مبلغ 9.5 جنيه تسويات مالية نتيجة فرق الشرايح .

لما رصيدك يقل عن 10 جنيهات العداد بيفصل عشان يديك إنذار أن الرصيد قرب يخلص دخل الكارت في العداد سواء معدول أو مقلوب وكمان لو مش معاك الكارت ممكن تحط كارنيه أو بطاقه هيشتغل العداد مرة تانيه لحد ما الرصيد يخلص. العداد بعدها هيفصل ومش هيشتغل إلا لما تشحن الكارت وتحطه في العداد .

إمتى أشحن ؟

توجد بالعداد لمبة بيان في واجهة العداد تضيء عند وصول الرصيد إلى حد الإنذار وتضيء ثانية عند وصول الرصيد إلى حد الفصل وعندما يفصل تقوم بتركيب الكارت بالعداد فتعود الكهرباء حتى تقوم بالشحن.
حد الإنذار 30 جنيهاً وحد الفصل 20 جنيهات للعدادات الأحادي.
حد الإنذار 40 جنيهاً وحد الفصل 30 جنيهات للعدادات الثلاثية.

شاشات العداد الأخرى ماذا تعني ؟

شاشات العداد الأخر تحتوي على بياناتك مثل: رقم العداد ورقم المشترك والوقت والتاريخ وفى حالة انه في فروق شرائح أو العداد وصل الرصيد صفر ولم يفصل لأنه إجازة أو ليلا كما هو مبرمج بالعداد وتوجد شاشة الديون بالجنيه حتى تقوم بالشحن وتخصم الديون من العداد وليس الشحن كذلك شاشة الجهد والاستهلاك الكلى منذ تركيب العداد واستهلاك كل شهر على حده.

ما هو أفضل وقت للشحن خلال الشهر ؟

هناك شائعة أن الشحن أفضل أول الشهر لأنك تكون عند الشريحة الأولى وبالتالي رصيدك بالكيلو يكون اكبر ولكن نفترض أن رصيدك انتهى هل ستظل بدون كهرباء حتى أول الشهر طبعا لا وللعلم عند أول كل شهر يعود العداد للشريحة الأولى وبالتالي رصيدك بالكيلو يزيد مره أخرى.

لماذا لايعود العداد للشريحة الأولى عند الشحن ؟

العداد مبرمج بالوقت والتاريخ ويعود للشريحة الأولى مع أول دقيقة كل شهر وهو بذلك يحقق لك عدالة استخدام لأنه في نظام العداد القديم يتم محاسبتك بالشهر من مرور القارئ حتى مروره مرة أخرى أما مسبوق الدفع فيعمل بنظام برمجي بالوقت والتاريخ محكم.

هل هناك حل لو فصل العداد إنذار والكارت غير موجود بجانب العداد ؟

لو حضرتك في الشغل والكارت معاك وفصل العداد إنذار ممكن اللي في البيت يقوم بإدخال بطاقة رقم قومي أو فيزا بنك في العداد فيعود التيار الكهربائي فورا حتى عودتك بالكارت.

هل قيمة الشحن هي من تحدد الشريحة ؟

لا طبعا الشريحة اللي يحددها استهلاك حضرتك لان كل شريحة بكميه معينه من الكيلووات عند استهلاكها حضرتك بتنقل لشريحة أعلى حتى أول الشهر وعودتك للشريحة الأولى مرة أخرى .

هل بإمكاني متابعة استهلاكي بالكيلو وات خلال الشهر؟
نعم وبكل سهوله من شاشة الاستهلاك خلال الشهر تقدر تعرف استهلكت كام كيلو كما يمكنك قبل التوجه للشحن تركيب الكارت بالعداد حتى ظهور كلمة كارت مقبول.

لو الكارت ضاع مني إيه الحل؟

حضرتك تذهب إلى الشركه ويستحسن لو معاك صوره أو رقم العداد كذلك بطاقة الرقم القومي للإطلاع عليها أو توكيل أو عقد إيجار موثق من صاحب العداد بتقوم بدفع قيمة الكارت الجديد طبقا للرسوم المقررة بالشركة وبيتم استخراج كارت جديد وتفعيله وبتستلمه في دقائق معدودة.

وهل يتلف الكارت ؟

نعم لو تعرض للماء والعرق والشمس بتتأثر الشريحة النحاسية ولا تعود تعطى بيانات ولا نتمكن من قرائتها بيتم تغييره لذا ننصح بالحفاظ على الكارت.

ما العمل لو الكارت ضاع وعليه شحنة لم تفرغ بالعداد؟

لا داعي للقلق كل عملية شحن بتسجل في ذاكرة العداد برقمها وقيمتها ولو ضاع الكارت وعليه شحنه لم تفرغ بالعداد بيتم استخراج كارت وعند برمجته بتسجل كل بياناتك وكذلك عمليات الشحن بأرقامها وقيمتها وعند تركيب الكارت بالعداد لو ذاكرة العداد وجدت عمليه لم تفرغ بالعداد يتم استقبالها بالعداد وتنفذ فورا.

هو فعلا العداد مش بيفصل بالإجازات الرسمية وبالليل؟

بالفعل العداد مبرمج على عدم الفصل الجمع والاجازات الرسمية وكذلك من الساعة 5 مساء وحتى 10 صباحا.

لو عندى لوحة العداد فيها كذا عداد وبنفس الاسم أعرف إزاى الكارت الخاص لكل عداد؟

الكارت في استيكر عليه رقم المشترك لو قلبت في شاشات العداد حتلاقي بعد الثلاث الشاشات الرئيسية شاشة رقم العداد وبعدها شاشة رقم المشترك يمكنك منها معرفة الكارت الخاص بكل عداد.

الشحن ما هي الوسائل المتاحه ليه؟

أولا الشحن من أي هندسة تابعة للشركة أو الشحن من أى منافذ بيع فوري.

لو مصلحة محتاجة مني إيصال كهربا إيه العمل؟

مع كل شحن بتستلم إيصال حرارى ولو محتاج إيصال تفصيلي متاح ولو المصلحة محتاجة بيانات العداد وتاريخ التركيب بيتم استخراج شهادة بيانات ليك.

لو فتحت غطاء العداد؟

سوف تدفع غرامة فتح الغطاء طبقا للرسوم المقررة بالشركة.

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: