قلبي حاسس

64

معلومة تهمك

مماب القاهرة

كلمات : الشاعرة إيمان أحمد يوسف

قلت لأبوابي القديمة
أرحميني
وأفصليني من جدارك
من مرارك
صوبي فيا أتجاهك من مدارك
قربي جسر التلاقي
جوه أسفار مفرداتي
ابعدي صرح النواقص من حياتي
كمليني بيه وبيا
انزلي بين سقف كوني وهدى فيا
ادخلي بين ياء إيماني
وكثفيني وطمنيني
قربي بينه لبيني
رجعي لي قوة الأشياء ف فكري
حددي في هدوء عوادم ماليه صدري
زحزحي عني ألاوعي
ولبسيني توب حقيقة
وحديني جوه نفسي ألف ضيقه
دي الفوارق سلسلت حيز مدى
بين الدقيقة
آه صعوبة نعكشتني
فركشت يومي اللي همدان م القسية
واللي ليا
ثلج حيرة بين أيادي المسرحية
والمشكله ياهلترا بيني وبينك
ولا بينهم ولا فاتت ولا جايه
أرحميني طمنيني
ف عمر مليان بالنواقص
إنما أنا قلبي حاسس
إن اتجاهي مش معاكس
وان ابوابي اللي جايه بينها طاقه
وخير إضاءة
ف عمر تاني مش أناني
يمكن الأحلام تدادي ف أتزاني
أوتداويني وتعدل يوم ميزاني
بفرحة بتشق الليالى
يكمل العمر اللي مليان بالنواقص
وقلبي حاسس
قلبي حاسس

معلومة تهمك

الشاعرة إيمان أحمد يوسف

معلومة تهمك

معلومة تهمك

%d مدونون معجبون بهذه: