قصيده عارفه يا اية

84

معلومة تهمك

من ديوان اية وساكنه جوايا
بقلم الشاعر / محمد السرحاني

عارفه يا اية
لولا الروح سكنت فيكي
ماكنت هجيكي
ولا كنت هغازل في ورود بستانك
ولا كنت اتصلب قدام بابك
ولا كنت ادعي انه المولي يبارك فيكي
بصي يا اية مش عندي مبرر اني اقوله
انا بيتك مش عارفه لكن والله نفسي اشوفه
انا حبك بس اللي اقدر اطوله
انا عندي كلام نفسي اقوله

بصي يا اية
انا اه كدبت عليكي
وعرفت بنات بعدك
انا قلت منفعكيش
وهعيش من بعدك
وحكيت للالف والميم وحكيت للسين
والشين حبت تساعدني متظلميهاش
وتعبت وانا في بعدك

بصي الحب بتاعك كأنه قانون
وانا واحد مسجون
لا ليا اوراق ولا ليا ادله
صابتني العله في بعدك
وبقبت مجنون

انا نفسي امون مسجون لكن فيكي
اهو اشم هوا طيب وارتاح
من بصه في عنيكي
وتعرفي اني طيب وياما دورت عليكي
وتشوفيني وانا بتغير لاجل الاقيكي

بصي يا اية انا زعلت
يوم ماسمعت صوت زغاريط
قالوا العيد وانا مقولتش
قالوا تهون قلت مهونتش
قلت مش هدعي ودعيت متعبتش
قالوا انساها قلت ما بحبش الاها
بالرغم مكاني معاها اصبح لناس معرفهاش
وخصصت ساعات
كرمان وجهك
راح اوصف فيها حسك والصوت اللي يريح قلوب تعبانه
قررت اقولك زي ما قال الجخ
..بكره يركع تحت رجلك سيد ابوه..

كرمان وجهك الصافي عهدت الالف والشين
اني هصلي كل فرض
واني هصون نفسي من الحب عشانك
واني ادعيلك لرب السما والارض
اني اجيلك علي بابك
اني هعشم نفسي اكون ليكي
بالرغم الكل عشمني بالطول والعرض
مش ليكي
عملت عبيط وصدقت اني كداب وحويط

انا شفتك حرب وكل جنودك دول ابطال
في كل الاحوال مبنخسرش

بصي يا اية
انا عاوزك ولو انتي مش عاوزاني
انا حابك اصلا مع انك كارهاني

انا اه بترجاها محدش له دعوه
بهدي الدمعه النازله من عيني
والنقمه اللي في قلبي
انا حبي معاها ارجوك متدخلش
انا شفتها ام عيالي
ولو مكنتش
هسمي بناتي اية واية
اوحتي تكون هي مبفكرش
..غير فيها
هي البيت والونس والحب
هي العيله والامل والدرب
وهي الدنيا
وهي معايا
من الاخر كدا
هي الوحيده اية وساكنه جوايا

معلومة تهمك

معلومة تهمك

معلومة تهمك

%d مدونون معجبون بهذه: