قصيده بكره هموت

63

معلومة تهمك

بقلم الشاعر / محمد السرحاني

بكره هموت
………..
بكره هموت ويعلي الصوت
بصريخ امي واخواتي والجيران
ويقولوا دا كان انسان طيب
بيحب الناس
دايما بيطَمن ويعدي يسلم
انا بكره هموت والموت مكنش بأمري
انا كنت امانه وده قدري

ابقوا زوروني يوماتي
وارموا الورد الابيض علي قبري
واقرولي الفاتحه
والدفنه تكون الصبح لاني بخاف مالضلمه

معلومة تهمك

وادعولي لعل القبر يكون مليان بالنور
بكره هيجي عليا الدور
انا بكره هموت ومن بعدي كتير هيموت

والموت خواف هيجيني وانا وحدي
وانا كنت بخاف من يوم مامات صحبي
وانا بكره هموت وهكون في القبر لوحدي

فافتكروا الحلو الجواني
في الدنيا انا كنت الجاني
وفي الاخره المجني عليه

وواصوا امي وصبروها
بكره هموت …
وهتلاقوها
بتبكي.ودموعها زي اليم
وقولوا لابويا يدعيلي
وبلاش دموع زي الدم
واخواتي انا كنت مابينهم اكبر واحد
بكره هروح للاكبر اسمه الواحد
وهينسوا ضحكي ورزايلي لكن مش هينسوا مكاني

وقولوا لحبيبتي الكاس شربه قبلك
وليكي نصيب والله من بعده
ياهناه وياسعده لو نال الجنه

انا بكره هموت ..
فادعولي يكون قبري فيه نور
لاني والله بخاف مالضلمه

بكره هموت..
وهنقص واحد مالصحبه
الفرقه اكيد صعبه
لكن هروح في مكان اجمل
مش هتشوفوا ضحكتي وانا بتجمِل
في الصعب انا كنت بتحمل
مالدنيا بنتعلم لكن مش ببلاش
فبلاش….
تنسوني
هتخسوني لما تفتكروا اسمي
وتنزلوا صورتي عندكم
وتقروا قصايدي اللي مكنتوش بتقروها
الدنيا غريبه لكن بالله الا صلاتكم اوعاكم تنسوها
بكره هموت…
فاوعاكم تنسوني
بكره هموت فامانه تدعولي
وتفتكروني كأني وسطيكم وبعيش
بكره هموت واصبح كأني مفيش

معلومة تهمك

معلومة تهمك

%d مدونون معجبون بهذه: