أهل النميمه

60

معلومة تهمك

 

كلمات الشاعره / حنان قنديل

ياللي قاعدين علي المصاطب
جوه حاره. …. حلق حوش

معلومة تهمك

قبل ما تتكلم بس حاسب
ده الكلام ريحته فاحت
زي عطر
في السما مرشوش

والحكايه اللي اتنقلت وراحت
ده الكلام فيها
كان كله مغشوش

كلام
يولع قبايل ويهد عروش
ومن الاساس والله مالوش

بتجيبوا في سيره اللي
غايب وانتم ليه متعرفهوش

فرحانين. بس ليه في المصايب
بكره تسمعوه في اعز الحبايب
وانتم ما متدروش

وهو احنا بقت حياتنا غابه
مليانه وحوش

عايشين في سيره الغلابه
زي الدايبه
من لحوم البشر ايه مبتشبعوش .

مالكم في حزن الناس وهمومهم
ماتسيبهم في حالهم
شامتنين في كل وجع يطولهم
حسدنهم ليه
في كل حاجه
حلوه ربنا ادهالهم
ليه علي الغلطه بتوعدولهم
و تخبوا الحلوه منهم
وكانكم عنها متدروش

انتم مالكم ومالهم
هو انتم ها تورثوهم في مالهم
حاقدين ليه علي عيالهم

والخير اللي جالهم
واصلكم مش عارفين
ايه اللي جرالهم

وانتم بالمهم يوم ماعشتهوش
وبتعبهم يوم محستوش

ياللي قاعدين علي المصاطب
جوه حاره. …. حلق حوش
———-

معلومة تهمك

معلومة تهمك

%d مدونون معجبون بهذه: