قصة قصيرة جميلة وفكاهية وتستحق القراءة

49

معلومة تهمك

بقلم الشاعر/رزق جادو
(( المترجم ))
تخيلوا لو الأمريكان بتجسس على مكالماتنا تعالوا نسمع مكالماتنا .. و نسمع هيترجموها إزاي ..
ألوو يا محمد .. إحنا هنيجي بكره نخطب بنتك زهرة لإبننا حسن ..
المترجم .. سيدي الرئيس أنهم يتزوجون النباتات ماذا نفعل معهم ..؟
علي .. ألو يافار تعالي وهات معاك فهد وصقر والديب ..
علشان نلعب شوية تعالوا بسرعة ..
المترجم .. سيدي الرئيس إنهم يلعبون مع الذئاب والفئران والفهود والصقور ماذا نفعل معهم ..؟
محمد .. هنجيلك خمس دقايق ونكون عندك ..
المترجم .. سيدي الرئيس أنهم سريعون جدا دائما يحتاجون خمس دقايق فقط لفعل كل شئ ماذا نفعل معهم ..؟
فتاة .. ألو يا سارة عايزة أقولك اني النهارده عطيت لمريم عين وانتي عارفة عيني بقى بتعمل إيه ..
المترجم .. سيدي الرئيس أنهم يتبادلون الأعضاء ماذا نفعل معهم ..؟
أبو عبدالله .. ألو يامحمد تعالى إحنا قاعدين نتمشى شوية في الحديقة ..
المترجم .. سيدي الرئيس أنهم يمشون وهم جالسون ماذا نفعل معهم ..؟
علي .. الو يامحمد انا هتأخر عليك اليوم شوية وبعدين هاجيلك لأني مشغول شوية علشان هودي البيت عندي للمستشفى ..
المترجم .. سيدي الرئيس إن المنازل عندهم تمرض ويزهبون بها للمستشفى ماذا نفعل معهم ..؟
الشاعر رزق جادو ..

معلومة تهمك

معلومة تهمك

%d مدونون معجبون بهذه: