صديق زمان !!

0 118

معلومة تهمك

كلمات/ علاء فتحى عبد الظاهر

قعدت تخبط وترزع
وقلت كتير كلمات
وكأنها منشار بيقطع
في كل جميل كان بينا
لحد ماضاع مني كلامي
ولساني صبح اخرس
مش قادر كمان ينطق
او يدفع او يقولك لا
كفاية مرار كفاية مرار
كل ده
و ف قلبك شايلة
كفاية كفاية كلام
كأني في زنقة
ميت سنة لقدام
كفاية عليا نظراتك
كفاية عليا حركاتك
و ايديك
وكأنها سهام
جوة القلب
بتشرخ
وبتشوه
وانا واقف كما تمثال
من ورق
ومش قادر علي النار
اللي مالهاش حل
ليه ده كله
بيوجعني تأنيبك
كمان تفانيك وتفاسيرك
لمعتقدات
جوه ف قلبك
و من تأليفك
مش موجودة
غير في حشاك
كفاية كفاية عليا حرام
ابعد عينك
ابعد عني لسانك
يمكن اعيش كمان وهمي
بقي تعبان
بتقفل ليه علي ضلوعي
بنار
وبتنطفي حتي شموعي
ومش حاسس غير بالام
فهمت ياصاحبي
ااقول كمان
لا تفسير لكلماتك غير
ايه ده كله انا نايم
من زمان من زمان من زمان
دي مش صراحة حب
ده سواد في القلب
لوحدي ما اقدرش عليه
هو الوقت لو كان غير الوقت
كنت قدرت تقوله
او اسمح يكون بينا
عتاب الايام
انا تعبان ولا انام
من المك ومن المي
وتاه قلمي في تفسيرك
وتفسير عشرة قديمة
سنين دي احلام
مكتوبة بايدين صاحب
برتبة حاقد حاقد
جاحد لكل اصول
بتربط بين عشرة
مش محسوبة
بين خلان
مش مسامح ولا مسامح
نفسك ولا نفسي
يا يا يا يا
صديق زمان!!!!!

معلومة تهمك

معلومة تهمك

معلومة تهمك

شاركنا برأيك وأضف تعليقك

%d مدونون معجبون بهذه: