امبارحة

بقلمي ربيعة المالكي

إمبارحة
في عز سكوتى وانا سارحة
جه وسألنى حبيته ليه
قلت هو الحب محتاج سبب
اهو ده العجب
هربت من سؤاله
وجوايا مليون الف سبب
ومن جوايا روحت انا شارحة
حبيته عشان
يقاسمني نفس الصورة والمشوار
نسمع سوا اغنية حلوة او موال
يونسنى ويبقى جليسي في وحدتي
ويكونلي دوايا وهمي وشكوتي
ويقولي ياروحي واقوله يامهجتي
وخلي واماني ورفيقي في سكتي
وتخطفتني عيونه الخضر
يقولي كلام اقول ياسلام
على عيوني تؤمر امر
وتوحشني عنيك
وانشغل بيك
وتهواني واهواك
وبأبيات الشعر اناغيك
تغيب عني اتوه واحتار
تقيد في قلبي ..
فدادين من نار
وابات ليلي احلم بيك
وتأسى ولا أأسى
تفوتني عنيك
ولا انسى
وساعة مااشوفك
بشفايفي ارحب بيك
#ربيعةالمالكي