مايا محمد في حوار خاص مع كنوز عربية

حوار خالد حمادة احمد

الحمد الله ردود أفعال الجمهور ايجابية جدا، الكواليس مسرحية وجع الروح : استاذ علاء كان بيجمع كل طاقم العمل و حريص علي ان يكون بينا علاقة و روح طيبة

استطاعت الممثله مايا محمد خلال فترة قصيرة ان تحقق قفزة كبيرة في مسيرتها الفنية وتمكنت من اثباث موهبتها بتنوع ادوارها فهي قدمت ادوار وايضا تمكنت من اداء الادوار الحزينة ببراعة وذلك مامكنها من المشاركة في مجموعة من الاعمال الهامة، وظهرت خلال الايام الماضية في مسرحية ” وجع الروح بقيادة المخرج علاء محمد”، وحرص ” علي اجراء حوار معها للوقوف علي التفاصيل مشاركتها به، وردود الأفعال التي استقلبتها والمزيد من التفاصيل التي تجدونها في الحوار التالي..

*في البداية.. ما الذي حمسك لتقديم مسرحية ” وجع الروح؟

ج : ان هي حاجه هادفه وان احنا بنقدم رساله.

*وما الرسالة التى أردتم إيصالها للجمهور من خلال” المسرحية “؟

ج : انا لازم اننا نحب بعض وفي حجات احلى من الفلوس زي لمتنا ولمت الاهل وان اعمل خير علشان تلاقي خير.

* ما هو شعورك قبل إحياء العرض؟

ج : كونت مبسوطه جدا ومتحمسه اول مره احس بالشعور ده لان كلنا واحد وبنحب بعض وعايزين ننجحه ومفيش حد عايز يعلى عن التانى

*كيف كانت ردود الأفعال على شخصيتك بالمسرحية “وجع الروح”؟

ج : ردود الأفعال فرحتنا لان كانت مبسوطه جدا وحتى لو الشخصيه شريره كان بيعجبهم الأداء ودي حاجه فرحتنا كلنا.

*خطفت الأجواء بأكثر من مشهد مؤثر وكأنه حقيقة.. فكيف حضرتِ لهم؟

ج : بان اضع نفسي في المشهد وكان دي حقيقه علشان اقدر اطلع المشهد بطريقه طبيعيه وتعجب الناس وان الناس متحسش ان ده تمثيل.

*هل واجهتك تحديات بالعرض “وجع الروح”؟

ج : بالعكس كلنا كنا متعاونين ومامي كانت بتتحداني اني مش هعرف اعمل المشهد ده بس بعده اكتشفت انه كانت بتحفزني.

*وماذا عن أصعب مشهد لكِ؟

ج : اصعب مشهد مشهد موت بنتي لان انا معنديش طفله فا كونت بحاول اني اتوقع ان الشخص الي قدامي حد عزيز عليا واتدرب عليه كتير وطلع بطريقه الي انا كونت عايزها.

برأيك.. ما الرسالة التى قدمتها شخصية “مايا” خلال أحداث “وجع الروح”؟

ج : هي انك متعمليش حاجه انتي مش مقتنعه بيها اعملي اللي انتي عايزه تعمليه والا هتخسري حجات كتير في حياتك لو مندمتيش عليها في وقته هتندمي بعدين وان الفلوس مش هي السعادة.

*اخيرا.. ماذا عن كواليس مشاركتك مع المخرج علاء محمد؟

ج : احنا بنحس ان كلنا اسره واحده وان انكل علاء مش مخرج انكل علاء اخونا الكبير كان ديما بيشجعنا وبيحببنا في بعض والنجاح الحقيقي في العرض ده أن انكل علاء عمل اسره قبل ما يعمل عرض وده النجاح الحقيقي بالنسبه لينا وعلى قد ماكونا فرحانين ان العرض نجح على قد ماكونا زعلانين ان اخر يوم بروفه.

*حابه تقولي كلمة اخيرة لفريق العمل؟

ج : بحبكوا جدا ومبسوطه اني عرفتكوا شكرا جدا لكل الماميز لان كانوا معتبرنا ان كلنا ولادهم وحشتوني جدا ونفسي اشتغل معاكوا تاني كلمه اخيره ميرسي يا انكل علاء على تعب حضرتك معانا ومستنين تجمعنا في عرض جديد، وشكر خاص لانكل خالد واشكرك جدا أن حضرتك جيت المسرحيه وده شرف كبير ليا.