أمى فى البرلمان

0 62

معلومة تهمك

أمى فى البرلمان
كلمات :
د / خليفة الخطيب
“”””””””””””””””””””
أنت مالك يا ابن حظى !
لاجل كرسى البرلمان

لسة نتعلم ونقرا ؟
زى أطفال الحضان

ولا قلى مانت عارف
لازمته أيه دا كمان ؟

ما انتوا ياولاد المدارس
كام لغة وعندك بيان

قل لى أيه بيها استفدتم ؟
رزقكم ضيق جبان !

يعنى كام ملطوش بتاخد ؟!
تتسعد وتطير حصان

يعنى زيك مية عندى
يكتبوا لى فى الديوان

يحملوا أعلى الشهايد
كلهم يصغى الأذان

ما أنت لو ريحت نفسك
يا بطل كان من زمان

تسرح معايا بخردة
وبالمسا ح نبيع لبان

تشترى لك كام طاقية
ويا كوفية سماان

تبقى تشبه لابن عمدة
من عمدنا ودا الضمان

لما بتقدم تلاقى
أهل حارتك والجيران

واللى طالبين المنافع
من معارفك واللى كان

يعرفك من فضل خيرك
نص كرتونة شوفان

كلهم وياك بيدعوا
تبقى كسبان الرهان

يعنى تترشح وتنجح
تبقى عضو ولك كيان

مش كدا يابن المدارس ؟!
تبقى واحد م الحيتان

ولا تتعلم موسيقى
ويا رقص بثوب ستان

تتشهر وسط المجامع
عزف عود تجيد كمان

يبقى ح ياخدوك بكوتة
وتتفتح كل البيبان

تبقى عضو معاك حصانة
رنة العزف امتهان

قلى أيه لازمتها نقرا
كله عندى فى الأمان

واللى يتكلم ساعتها
حط له بخة دهااان

يابنى قرشك هو خطك
حكمة قالها اللى استبان

كلمات :
د / خليفة الخطيب

معلومة تهمك

معلومة تهمك

شاركنا برأيك وأضف تعليقك

%d مدونون معجبون بهذه: