سؤال يحير بقلم :د / خليفة الخطيب

0 46

معلومة تهمك

سؤال يحير
كتب :د / خليفة الخطيب
فيه سؤال عندى يحير
منتظر منكم جوااب !
الحياة حظ وشطارة
ولا علم وله كتاب ؟
يعنى عالم له مرتب
ولا عازف ع الرباب ؟
ولاطبال لعوالم
مهرجان ؟ !
اسم الوكاب
ثروته تبقى فى تزايد
فى الغنى وشلة صحاب
يلبسوا كل المقطع
رقص موضة وحال خراب
فى المطار عنده جراشه
لاجل طيارته مجاب
ماهى تأشيرته تجيله
م السفارة بدون حساب
يعنى طيارة جنابه
فيها ركن بتاع كلاب
لاجل أعمال الحراسة
أكلهم ما لذ طاب
م الدهب عنده خزاين
يفتخر بيها ؛
ودولاب
تشمله كل الرعاية
لاجل قطة وكيس شراب
كل يوم حفلة سخافة
والشاكوش اسم اللى غاب
ولا بيكا وله مشارب
اسم يهتف له شباب
عنده صوت الله يجيرك
قطر متكسر هباب
ماهو جاهل يكتب اسمك
بلوة واشتد المصاب !
وسطته كل الناصب
بالإشارة وله مناب
وعندنا عالم يحارب
لقمة العيش ؛
ارتياب
يصحى من نومه يعانى
وحل سكة وحال ضباب
منتظر للقبض ييجى
يشترى ربع الكباب
لاجل أطفاله يشموا
ريحته كل شهور ؛
نصاب !
يرجو منه شمة تانية
يقترح يكفى اللعاب
لو دا حالنا يبقى ؛ نسأل
نفسنا ؛ !
وفصل الخطاب
امته عالمنا يكرم
يصبح الجنب المهاب ؟
يقصده كل اللى غاوى
عنده علم لكل باب
رغبته سد المطالب
مش فقير عنده اكتئاب !
ننتظر منه التعافى
حرث فى بحر السراب !
واحنا حالتنا استقرت
زد برقص وخذ يباب
يعنى له حق المهاجر
لاجل علم وعيش صواب ؟ !

معلومة تهمك

معلومة تهمك

شاركنا برأيك وأضف تعليقك

%d مدونون معجبون بهذه: