حدوته خضرا

حدوته خضرا

0 17

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

حدوتة خضرا
كلمات : إلهام قربوص

حكايتها حلوة قصيره
حدوتة خضرا..لكن جميلة
لبنت كانت طيبة
دخلت ميدان الحب فى عز الصبا
وفارسها كان فنان وشاعر
ستف لها الأيام أساور
فتح لها كتاب الهوى
وفتح لها قلبه الوسيع شعر ومشاعر
زوق الفستان بحروف قصايده
عومها ريشة فى بحور مشاعره
سكنها فوق جنب البدر
نجمة صغيرة
وف. نن عين الشمس
كان حلمها
والحلم دنيا مغطياها بالأمان
واكمنه كان فنان وشاعر
خباها ف عروقه
وسقاها من شوقه
والفرح كان شاهد وسامر
والدبلتين كانوا نهاية حلمها
واتاريها..ساكنة الوهم
والحلم ناشف واتحرق
كل المشاعر كات هفق
كل المشاعر أوهام
وساكنة ع الورق
واكمنه كان فنان وشاعر
الوهم كان زى الحقيقة
والحلم مدهون بالسراب
يطلع عليه نور النهار…
فيطير
والبت كات طيبة
ملهاش فى شغل الطبطبة
وعودها كان اخضر رقيق
دخلت ميدان الحب فى عز الصبا
واكمنه كان فنان وشاعر
لم اللى فات ورجع لها .
فاكر هواها محجوز عشانه
مابين عيونها وضلها
بعد ماطحنها الهوا
ولقاها خلصت وانتهت
ماعادتش تانى طيبة
نسيت زمان الطبطبة
هجرت معانى الحب
من عز الصبا

معلومة تهمك

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.