أنا آسف ليكي جداً
محمد مصطفى أمين
يكتب :-
مُرغم
أنا آسف ليكي جداً
يا حبيبه حاببها جداً
و عاشها اليوم و أبداً
على إني و غصب عني
دايب في عنيكي دوب
أنا دوبت و عقلي غايب
سهاني في يوم و راحلك
و رجعي و قاللي عاشقك
عاتبته قال بحبك
و حلفلي أنه دايب
سألته عجبك أيه فيها
ضحكلي
و قال عيونها
و رموشها و سحر لونها
و كسوفها برقه زايده
برغم جرأة عنيها
ضحكتها و صف لولي
بسحر عجيب ندولي
و شفايف آه يا لهوي
نفسي أسلم عليها
و سألت عليكي قلبي
ناديته لكن ما ردش
دورت في كل حته
على قلبي و ما لقتهوش
لولا عقلي الله يجازيه
بلغني رساله منه
كل حروفها و كلامها
أنه لعشقك مِسلم
و مش ناوي يتوب و يرجع
و سابلي مع رسالته صوره
كنتي مرسومه فيها
و قاللي إن كنت عاوزه
تعالى و عيش معايا
و آديني جاي مِسلم
و أحلف و أعيد و أُُقسم
إني عاشق و مُرغم
و بحب هواكي جداً
و مُخلص لعنيكي أبداً.