كلمة حق

حق

0 9

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

كلمة حق
لشاعرة الشعر الشعبي الغنائي/ صبيحة الوشتاتي من بنزرت متابعة عبدالله القطاري من تونس

بالله خلينا تقولوا كلمة حق
واللي باش يصير يصير
اللي كان يعمل أجير
ركب على أحداث الثورة
ولى نائب ووزير
وقعد على الكرسي
يعبي جيوبو ويطير
وخلى الشعب حاير
والشباب بطال وضايع
ما عملوش حساب للام
اللي دفنت ولدها الشهيد
في الجبانة،،،،،،،،،،،،،،،،،
وتروت أرض الوطن بالدم
حرنا في سياستهم ونحنا
في بلادنا عندهم مثل الخماسة
حتى جرعة التلقيح ضد كرونا
خلوا الدولة على جالها مرهونة
تعدى عام لا حسينا بربيع ولا بخريف ولا بشتاء ولا بصيف
قعدنا عايشين عالاوهام
قتلنا الفقر والتخمام
وتعدوا عشرة سنين
كل مرة يخرفولنا خرافة
حتى مالثقافة دخلوها في دواليب السياسة
وحتى الفنانين والشعراء
كانوا يشدوا مثل الطيور
قسوا عليهم وكل اللي بنوه
وسهروا عليه الليل
هدموه ………….
وحتى اللي مات فنان والا شاعر
منهم مات بغصته وقلبه مقهور
ما عدنا فاهمين شئ
اشكون حاكم البلاد
يخموا في مليان كروشهم وجيوبهم
بفلوس الزوالي
ومخاخهم خاوية
وقلوبهم قاسية
وما يهمهم في المواطن
بايت جايع والا شبعان
مكسي والا عريان وحفيان
ومن أجل الكرسي
عروا النيوبة كيف الذيوبة
ومضوا سيوفهم الحافية
ومضوها على جدران اسوار كل مدينة …… ………………
وغرسوها في بطن الوطن
وكملوا ذبحوا الشعب
وخلوه مثل الطيور المجروحة
ينزف من قلوبها الدم
اللي يحكم البلاد
لازم يكون عندو
نخوة ورجولة وهمة
وموش على خاطر الكرسي
يبيع ضميرو
ويظلم الشعب والوطن
انقوا الله في شعبكم
وخلوا العلم يرفرف بسلام
على ارض الوطن

 

معلومة تهمك

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.