بوسه و دعوه و ضمه

للشاعر :- محمد مصطفى أمين

أنا محتاج لحنانك يا أمه

محتاج بوسه و دعوه و ضمه

محتاج من حواديتك كلمه

محتاج من كلماتك حكمه

محتاج ليكي أجري عليكي

و أقعد بين أحضانك و أبكي

محتاج رقوه من رقاويكي

مين يرقيني مين يداويني

مين يتعب لجل يريحني

مين يسهر لجل يصحيني

مين لو كانت لقمه في بقه

و شافني جعان يشبع لو أكلها

عيد الأم بيجي يا أمي

و من غير ما أدري

على طول بجري

و أجيب من جوه البستان زهره

و أجيب من أعلى السموات نجمه

و أجيب م الدنيا اللحظه الحلوه

و أجيب من عندي شوقي و دمي

و آجي أهديكي زهري و دمي

أبص الاقيكي بعيد مش جنبي

لو في أيدية العمر و طوله

كنت هاديتك عمري بطوله

أو كنت أرحل زيك يا أمه

علشان أسهر و أقعد جنبك

زي ما كنتي بتسهري جنبي

و آخد منك دعوه و ضمه

يا رب أرحمها

يا رب تخفف عنها ذنوبها

و يبقى الثوب الأبيض ثوبها.