فيكي حاجات 

0 6

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

بقلمي / جمال القاضي

فيكي حاجات يابلادي
بتخليني
ماأروحش بعيد
بتخليني أفكر
دايما فيكي
صبح بتشرق فيه الشمس
وقبل شروقها
كان فجر جديد
أرسم فيه أحلامي
حلم ومنه
كنت أتمنى
أصحى الصبح
وأمسك قلمي
وأكتب ليكي
بحب ملامحك
بحب أشوفك دايما
بوجه بيضحك
والكل سعيد
بس الواقع
غير ماكتبته
وغير ماحلمته
وفي وسط نهارك
كنت هناك بالصدفه
أسمع صوت وأنين
من شاب ورايح
على رزقه يدور
من ست وكانت
رايحه تزور أولادها
من جندي وراجع
لأهله وماسك
شنطة سفره بإيده
ويرجع ليهم
يكمل فرحة قلبه
بزفه لعرسه
وكل وجهوهم
كانت تضحك
بس بثانيه
أصبح فيها الكل شهيد
قطر وخلى
كل أحلامهم
في ثانيه تغيب
جسم إتقسم
لإتنين وتلاته
إيد وإتقطع فيها صباعها
وغيرهم كان بينادي
أرفع عني
بقايا حطام لكراسي
رايحه تحطم من تحتها
جسمي وراسي
والكل بصوته صراخ
صرخه تقول
ماتوا أولادي
وصرخه تنادي
نجده يناس
أبويا بيموت وأمي خلاص
القطر دهسها
والباقي صوتهم غاب
وفي دمه غريق
ولااليوم التالي
ابن بيلعب وأخوه بيذاكر
وأمه تجهز له أوراقه
وأبوهم لابس
لبسه وأقف
وبإيده أطفاله
يرحروا معاه بطريقه
لحضانه أو لمدارس
وبعد ثواني البنايه انهارت
لاراحوا حضانه
ولاحتى مدارس
فيك حاجات يابلادي
بتخليني عاشق فيكي
ورغم ظروفك
ورغم القسوه

أفضل أحب ترابك

معلومة تهمك

مع تحياتي ( جمال القاضي )

معلومة تهمك

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.