ستف ورقك بقلم :د   خليفه الطيب

حكاية

0 6

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

ستف ورقك
كتب :د   خليفه الطيب
ستف ورقك واكتب واشطب
رتب نحكش نحكش رتب
هو دا حالنا فى كل حكاية
لما بقينا عصير متعلب
عايز تبقى قوى ومتعافى
اركب بحرك غذى المركب
مش واقف لى ورا المقصورة
وواك ملعب يضرب يقلب
قانع نفسك إنك فايز
وانت فريقك واخد مقلب
دا بصراحة طريق تعليمنا
حقل تجارب وبلاش نكذب
فين أيام كتابنا وشيخنا
وردك لوحك حافظ تعجب ؟
صوت ترتيل و حساب وقراءة
علم بجد ، وطعم محبب
مش تلصيق لكلام مستورد
جهل منسق وارد مكتب
ليه بنقلد دون مانخطط ؟
تقليد أعمى وحال متشقلب
فاكرين إن الغرب ح يرضى
بتقدمنا ونرتاح نغلب ؟
ليه ياقرار محبوس ومعوق
كل إرادتك تنكر تشجب ؟
ومافيش مرة نفوق ونصحح
مهما تكرر حالنا دا يصعب
أثر فينا من طيابتنا
حلو الاسم نكربع نشرب
لما الجودة تسمى الأيزو
حتى الفلفل سموه كاتشب

معلومة تهمك

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.