نماذج مشرفة من ضباط الشرطة محمود بك هندي رئيس مباحث ابوالمطامير

نماذج مشرفة

0 58

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

نماذج مشرفة من ضباط الشرطة
محمود بك هندي رئيس مباحث ابوالمطامير

كتبه : محمد حمدي قاسم
البحيرة

مقالي هذا ليس نفاقا أو طلب تقرب لأحد ولكنه اظهار لكل شرفاء الوطن والذين نفخر بهم فعلا ومعنا نموذج مشرف حقا ورئيس مباحث بدرجة انسان وهذا اشهد له بنفسي وعن تجارب ليست بقليله وايضا ما نشرته صفحة صوت ابوالمطامير لحظه بلحظه عن المحارم رئيس مباحث مركز ابوالمطامير
محمود بك هندي حيث ذكرت الصفحه مايلي :-
لما يكون عندك رئيس مباحث برتبة انسان تبقى دى نعمه كبيرة من ربنا انه اكرم البلد بظابط انسان اولا قبل ان يكون رجل شرطه ماحدث امامى وشاهدته بعينى يعطينى انطباع كبير ان محمود بك هندى انسان بكل ما تحملة معانى الكلمه
لما اكون نازل من يومين فى عز البرد والسقيع ورايح اشترى دواء من الصيدليه والجو برد شديد والساع ٢ بعد نص الليل
ويوقفنى شاب من شباب عزبه عبد الغنى شايل شكارة على كتفه وبيلم كراتين وبلاستك وخردة ويوقفنى علشان يسلم عليه ويقولى انا جعان ياعمى هانى وبردان وفى نفس اللحظه اقسم بالله اتصال يجينى من الانسان رئيس مباحث ابو المطامير ويقولى انا شايفك فى الكاميرا وانا بتابع الحالة الامنيه انت واقف فى وسط البلد عند الصاغه صح قلت له صح قالى الواد اللى واقف معاك ده ماله عاوز ايه قلت له والله بيقولى جعان وبردان كان رده ايه والله ويحاسبنى ربنا قالى افتح المايك بتاع التليفون اسمك ايه يا ابنى قاله اسمى فلان قاله تعالالى خد عشاء وشوف عاوز ايه تانى الشاب بيسمع المكالمه ومش عارف هوا بيكلم مين بيقولى مين ده ياعمى هانى ضحكت وقلت له دة رئيس المباحث محمود بك هندى الولد كان عنده ذهول وقالى بتهزر معايا ياعمى هانى ضحكت وقلت يا محمود بك الراجل مش مصدق ان فيه رئيس مباحث برتبه انسان ضحك وقالى ادهونى وقاله تعالالى يا ابنى عند مكتبى الولد قاله ياباشا مش هايدخلونى قاله تعالى وقولهم محمود بك هندى عاوزنى وانا متابع الكاميرات وانت على الباب انا هاكلمهم تعالى وانتهت المكالمه بينى وبين الخلوق Mahmoud Hendy الشاب للامانه كان خايف قلتلة روح وماتخافش وانا مش مروح غير لما تدخله وتطلع وتقولى عملت ايه واقسم بالله هذا ماحدث ولكن الاجمل لما عرفت من الشاب ايه اللى حصل معاه لما طلع جاى يجرى من عند المركز وفرحان وسعيد سعادة لاتوصف قلتله احكيلى ايه اللى حصل قالى والله ياعمى هانى ربنا يبارك فيه وفى اولاده ويكرمه ويسترها معاه وانا لسه على البوابه الخارحيه رن عليهم وقلهم دخلولى الشاب ده لاقيت انثين ماشيين معايا ومدخلنى للريس وانا ركبى بتخبط دخل حد استأذن قالهم خليه يدخل واحتراما للمكان ولمعالى الريس بقلع الشبشب من الزيت المزوت اللى مبهدل الشوارع علشان الاسفلت لاقيت الباشا واقف مرة واحدة وقالى البس شبشبك وشخط فيه وقالى بتقلع ليه قلتله ياباشا لاموخذه الشبشب وسخ قالى شبشبك انظف من شبشب ناس كتير ونايمين فى بيوتهم عواطليه انت راجل جدع اللى يكون فى الشارع فى عز البرد ده علشان ياكل لقمته بالحلال وما يمدش ايده عندى احسن من ناس كتير هدومها نظيفه ولكن من جواهم اوساخ كل شهر تجينى هنا واعطاه كيس عشاء ومبلغ من المال واكد عليه كل شهر اشوفك واتجدعن واجتهد ولو ناقصك اى حاجه تعالالى بسرعه بدون تردد الواد بيكلمنى ودموعه على خده من السعادة والفرحه ودعوات صادقه من القلب للانسان محمود بك هندى اقسم بالله هذا ما حدث والله على ما اقول شهيد
انا بحكى القصه دى ليه علشان اقول فعلا ابن الناس ابن ناس عمر المناصب ما تغيرة ولا الكرسى يغيره ويكفيك دعوات الناس اللى بيحبوك ياريس وكفايا انك حاسس بالناس يا ابن الناس ( هندى الاسطورة )
هذا ما ورد علي صفحة ابوالمطامير لحظه بلحظه لهذا النموذج المشرف لأبناء الوطن الشرفاء الذين نفتخر بهم ويكونوا قدوة لغيرهم وايضا اظهارا للايجابيات داخل مصرنا الحبيبه.
تحية لكل أبناء مصر الشرفاء والمحترمين

معلومة تهمك

معلومة تهمك

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.