قصص النصب المتداولة علي صفحات التواصل الاجتماعي

0 17

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

كتب احمد الغمري

تداولت لك القصة علي مواقع التواصل الاجتماعي ولأن بها عبرة لكل فتاة وتحذير أردت أن اسردها لكم.

ففي محل كبير لبيع الأجهزة الأليكترونية والموبايللات قالت سيدة وهي تقص هذه القصة كنت واقفة بشتري حاجات للولاد ، دخل شاب وبنت وقفوا في قسم الموبيللات بعيد عني شوية بس قادرة أسمع الولد طلب أيه !!
طلب موبايل ماركة معينة البياع قاله سعره 8 آلاف و 700 جنيه ، قاله مش مهم !!

معلومة تهمك

فتحله علبة الموبايل وجربهوله وتمام ، الولد قاله من فضلك ركبلي الخط بتاعي فيه عايز أجرب الصوت ودرجة نقاء السماعة هعمل مكالمة منه أنا خلاص أشتريت !!!
البياع ركبله الخط وشغله والولد بيعمل مكالمة آلو آلو أيوه يا هاني آلو أنا سامعك كويس آلو وألتفت للبياع وقاله السيجنال هنا ضعيفة ولا أيه ؟!
البياع قاله ممكن أحنا دور أرضي والمحل مغلق علشان التكييف ، فتح باب المحل وخرج علشان السيجنال بره أقوى صاحب المعرض قاعد متابع الموقف ما أتحركش من مكانه لإن البنت موجودة قاعدة على الكرسي قدام البياع !!

فاتت 30 ثانية وشاور صاحب المعرض لأحد العاملين يشوف الولد اللي خرج بالموبايل علشان يجري مكالمة ، خرج العامل ورجع قاله مافيش حد بره يا باشا والأستاذ اللي كان بيتكلم في الموبايل مالوش أثر بره !!!!
لهنا والمعرض بالكامل أتكهرب ووقفوا البيع ، أنا كنت أشتريت ودفعت وخلاص ماشية ، وقفت مكاني لما حصل الموقف ده مش علشان أتفرج ولكن لفت نظري شكل البنت !
واضح إنها بنت ناس مش بنت شوارع ، سنها بين 18 و 20 ما تزيدش عن كده أكبر من بنتي بكام سنة تقريباً !!

صاحب المعرض بكل العاملين وقفوا قدامها وقالولها أنتوا عصابة وهنبلغ البوليس ، البنت أنا متابعة ردود أفعالها من بعيد ، البنت أنا كـ منى قدرت أحلل من ردود أفعالها إنها فعلاً مش مجرمة ومش نصابة وأنا كـ أم عندي زيها قدرت أحس رعشة قلبها وصدق عباراتها وهى بتحلف إنها والله والله أول يوم تشوفه النهاردة !!!!
بدأ بعض العاملين هيحاول يمد أيده عليها كأي كائن حثالة عايز يستغل الزيطة ويزيط بكام قلم على كام بوكس على زقة إرضاء لصاحب المحل !!!
صاحب المحل عارفني كويس جداً بحكم الجيرة وبحكم إني لما بحتاج حاجة لازم باخدها منه …
المهم هنا تدخلت ووقفت قدام البنت وقلتلهم ماحدش يمد أيده عليها ، شاكك فيها بلغ قسم الشرطة يجي ياخدها إنما مافيش كلب يلمسها !!!

صاحب المحل شاور للعاملين علشان يبعدوا ، وقالها طيب زي ما المدام قالت ماحدش هيقربلك بس مين الواد ده ويقربلك أيه ؟!!
البنت قالت إنها بتعرفه بقالها شهرين من على الفيس بوك وإنه كان بيلح يقابلها وهى رافضه وبتقوله تعالى شوفني في بيتنا قدام أهلي ، قالها نتقابل بره الأول نتفق أنا وأنتي وتاني يوم أقابل أهلك ، وإثبات لحسن نيتي اليوم اللي هنتقابل فيه هجيبلك أحدث موبايل في السوق وقولي لأهلك حتى لقيته في الشارع ….!
أتفقوا في اليوم ده يتقابلوا وفعلاً أخدها وجه على المعرض هنا وعمل اللي عمله ده !!!

صاحب المعرض قالها أفتحيلي صفحته ع الفيس بوك ، البنت بتحاول تفتح الصفحة ودموعها سبقاها ، الصفحة مش موجودة الحساب أتقفل مالوش وجود ، خط تليفونه مغلق ….!!
صاحب المعرض قالها اديني نمرة أهلك أتصل بيهم ، البنت زادت في العياط وقالتله والنبي يا عمو حضرتك ما تكلمش بابا ممكن يموتني ويموت ماما لو عرف الكلام ده !!!!
متخيلين بنت في موقف زي ده وخايفة تستنجد بأبوها وأمها شايفين حجم الفجوة !!!
ما عالينا ….
البنت قالتله أنا ممكن أكلم خالو ، فعلاً أتصلت بخالها وبالفعل ربع ساعة وكما توقعت البنت بنت عيلة فعلاً ، عربية ماركة وموديل مش أي حد يركبها ، شخص مهذب جداً صوته هادي بمجرد دخوله بدون ما يعرف تفاصيل أخد البنت في حضنه وسألها حد مد أيده عليكي ، البنت قالتله طنط كانت جنبي وما خلتش حد لمسني ، شكرني جداً وسأل صاحب المعرض سعر الموبايل كام قال له ، دفعله المبلغ بالكامل وأخد البنت ومشي في منظر وموقف محزن …!!
الحكاية كانت لابد أن تُسرد بالتفاصيل ، لعلها تكون جرس إنذار … انتبهوا
حفظ الله بناتنا من الفتن ما ظهر منها وما بطن

معلومة تهمك

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.