وَحي الكَلِم

“وَحي الكَلِم”
قلم/ بهاء ثابت
قصيدة يحنن

وكانت غلطتي يعني
آجي احكيلك فتوجعني
مش انت اللي قابلته زمان
وقال إنه هيسمعني
يشجعني في وقت ما اضيع
في وقت ما خوفي يمنعني
ويكون ليا السند والضهر
يكون عكازي لما اكبر
مش انت اللي حلفت تبيع
عشاني الدنيا او اكتر
طب ايه اللي حصل للوعد
وايه اصلا لزوم البعد
مدام الحب كان غالب
مدام في عينينا نفس الشوق
حلفنا زمان نكمل بعض
نجاحك يبقى يوم فرحي
ووجعك يبقى من جرحي
نسيت كل الكلام وخلاص
بقيت تناديني زي الغرب
نسيت الحلوه ست الناس
زي ما كنت احب زمان تناديني
وزي ما هان عليك وقدرت تنساني
بحق دموعي والبعد اللي عياني
هكون أقوى من القرب اللي قواني
ووعد في يوم ما هتجيني
وتطلب اننا نرجع
وزي ما كنت عارفني
أكيد عارف إني مش ممكن
راح اخلي بوعد
يوم ما تجيني وتقولي تسامحيني؟
من يوم فراقنا أنا ميت
أنا مش قادر انساكِ
وقربِك وحده قادر إنه يحييني
وبعد ما ليا تطمن
هقولك وقتها يحنن