يا وطن…….. للشاعرة المبدعة في الشعر الشعبي الغنائي/ صبيحة الوشتاتي من بنزرت

0 7

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

يا وطن……..
للشاعرة المبدعة في الشعر الشعبي الغنائي/ صبيحة الوشتاتي من بنزرت
متابعة عبدالله من تونس

روحي فداك يا تونس يضل العلم يرفرف
على جبين أرضك
يا وطن…………….

يا وليدي يا عزيزي
يا كبيدي تفجعت
كي سمعت خبرك
وهبطو دمعاتي
من عيني سكيبة
وحرقو خدودي
يا وليدي يا عزيزي
فراقك صدمني
وخلاني هايمة في الدنيا
من بعدك ما حلالي شئ
فراقك راهوصعيب
خلى قلبي مكوي كي
وقعدت هايمة
كل يوم الدمعة تسكب
على خدي وما لقيت حل

لاتبكي يا لميمة
دموعك تحرقني
صلي وادعيلي
دعواتك هي اللي
تنور قبري………
اصبري يا لميمة
البكاء ما يردني حي
بلغي سلامى لاصحابي
وشجعيهم باش
يحمو الوطن……..
وترجع تونس
تضوي ضي……….

والله يا وليدي
كي نتفكرك
تشعل النار في جواجي
البارح شفتك في منامي
في جنة الخلد……..
لابس الكمبة الخضراء
كيف البي………….
واناعطشانة
وقلبي شاعل
وانت تسقي في
والله يا لميمة
ماهو بيدي شئ
مقدر ومكتوب
غدروني وسلاحي في يدي
كان جيت ندرى
نلشن عليهم بالكرتوش
وكيف ما كواوك
نكويهم كي…….

هزيت عيني لربي العالي
ومن ظلمهم شكيت
قتلو يا ربي:” انا في كبدي
تشويت “………….

اصبري يا لميمة
انا روحي فداء الوطن
ودمي يروي ارضو
افتخري بابنك الشهيد
وزغرتي في جنازتي
بلا ندم……………..
وتبقى روحي
فداء الوطن

بقلم الشاعرة التونسية
صبيحة الوشتاتي
في29جوان2019

معلومة تهمك

معلومة تهمك

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: