عارفين مين هما المصريين

0 161

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

عارفين مين هما المصريين ؟
بقلمي / علاء القويعي

عارفين مين هما المصريين ؟
هما مينا ومايكل و محمد وأحمد عايشين مع بعض متجمعين
تشوفهم ما تصدق ولا حتى تعرف ده مين ولا ده مين
أصلهم متوحدين وبحب الوطن عايشين

عارفين مين هما المصريين؟
ناس مؤمنين … بالخير عايشين …
فيه أو مفيش راضيين ….
غلابة لكن متربيين ….
ع الخير دايما ساعيين……
وبأمر الله ….لبر السلامة واصلين…..

معلومة تهمك

عارفين مين هما المصريين؟
هما فى المسجد والدير مع بعض سعداء وعايشين
وفى الحزن قبل الفرح متجمعين وموجودين
وما تعرف تفرق ده ابن مين أو ده أبن مين

عارفين مين هما المصريين ؟
هما أولاد الأهرام والنيل
أحفاد أحمس ومينا موحد القطرين

عارفين مين هما المصريين؟
هما الحصن الحصين
والصخرة التى تتحطم عليها شهوات كل الطامعين

عارفين مين هما المصريين؟
هما ناس فى الشدة صابرين
وفى الرخاء شاكرين وحامدين
وما ينسوا الكريم ولجميله دايما حافظين وصاينين

عارفين مين هما المصريين؟

ناس متبسمين وعلى النكته متربيين
ودايما الوجوه بتضحك حتى لو جواها حزين
عــرفــتــم مــــيــن هـــمـــــا الـــمــصـــريـــيـــن
#علاءالقويعي

معلومة تهمك

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: