كيف تختبر الايمان بالله في قلبك ؟

بدون فصحى

0 7

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

كيف تختبر الايمان بالله في قلبك ؟

بقلمي : جمال القاضي

(بدون فصحى )

معلومة تهمك

عايز تعرف مدي ايمانك بالله و تختبر قلبك ومابه من ايمان بالله

مشيت مره ورا جنازه ، سمعت الطفل وهو بيبكي على امه ال ماتت وتركته صغير ميعرفش حاجه في الدنيا غير إنه كان بيقول ماما ، سمعت صوت غيره لما كان بيقول سايبني مع مين يابابا ، انا معرفش حد غيرك بالدنيا ، رايح فين يابابا أو غيره يقول يا خويا او ياختي دي صرخه لطفل تاني فقد اخوه او اخته ، قلبك رق ساعتها ودموعك نزلت لوحدها ، يبقى ايمانك قوي لانك حسيت بغيرك.

لاقيت طفل هو ومامته قاعدين ومش لاقين لقمه ساعة المؤذن مايقول الله اكبر بوقت المغرب ، وانت راجع من شغلك ،ركنت سيارتك بجانب الطريق وجريت على أقرب مطعم او سوبر ماركت واشتريت لهم وجبه يفطروا بيها ، ولا ولاكأنك شفتهم وكمان بتشتم الطفل الغلبان ده هو وامه علشان وقفوا بطريق سيارتك وانتي عايز تطير بيها وتوصل لبيتك قبل الاذان ، شوف نفسك مين فيهم الاول ال اخد ثواب افطارهم ، لان ايمان بالله قوي ، ولا انت التاني ال قلبه جاحد.

بلاش دي ، شوفت الارمله ال قافله على نفسها باب بيتها ومحدش يعرف عنها حاجه لاهيا ولا اولادها والعيد كمان كام يوم ، يااخي دي جارتك وبتشوف الباب مقفول وعارف انهم مفيش معاهم نقود يشتروا بيها اكل او ملابس العيد وأنت كل يوم طالع نازل وضحكتك مع اولادك وزوجك ماليه اجواء شقتهم وانت مش بتلتفت وعامل نفسك أصم عن صوت بكاء طفل بيبكي وعايز يفرح زي غيره من الاطفال ويقول يماما ابن فلان ابوه اشترى له بدله انا عايز اشتري زي ماشترى ، او البنت ال بتقول لامها عايزه فستان يا ماما زي زميلتي ال معي بالفصل ، مسمعتش كل ده ولا سمعت الأم وهيا بتبكي وتقول اجيب منين ابوكم مات وترك لي مسؤليتكم وانا مفيش معايا لي فلوس اشتري ال انتم عايزينه ، عملت ايه ساعتها كل ده سمعته وطنشت ، ولا اخدت زوجت على جنب وبالسر من غير اولادك ال يمكن منهم زميل لابن الارمله مايعرفش زميله ده اشترى لبسه الجديد منين ، هل قولتلها من غير ماحد يشوفك من الجيران خبطي عليها وخديها معاك وروحي اشتري كل ال اولادها عايزينه من غير ماحد يحس ، اعطيها بالسر فلوس من غير ماتجرحيها ، عملت انت ولا إنت كده ، ولا عملت نفسك متعرفش الناس دي وهم مجرد جيران وقافلين على نفسهم وتبقى كده بقلب جاحد ، ولا اشتريت لهم قبل العيد وجبة لحوم او دجاج ال اتحرموا من اكلها بعد مااتوفى ابوهم ، حسستهم في مره ان لسه فيه خير في الدنيا وان لسه فيه ناس بتحسس بايديها على شعر راس اليتيم ده ، لو وقفت جنبهم وعمل كل ده بس من غير متجرحهم يبقى ايمانك بالله قوي ، عملت ذنوب كتير بالسر بينك وبين نفسك ومفيش حد يعرف بيها غيرك وربنا ال شايفك وانت بتعملها وستر عليك
، هل بعد الستر ده رجعت تاني تعمل نفس الذنوب من غير متحس بتأنيب الضمير ، ولا طلعت فوق السطوح لوحدك ورفعت راسك وججهك لفوق وبصيت على السماء والنجوم والسحاب والقمر ، سألت نفسك مين ال خلق كل النجوم ، ولما لاقيت جوابك بيقول الله ، عيونك نزلت دموع لوحدها وقولت سامحني يارب عملت ذنوب كتيره في حياتي ، لو لاقيت نفسك كده يبقى ايمانك بالله قوي .

بقلمي : جمال القاضي

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: