يااااه . طال المسير

0 222

معلومة تهمك

 

 

كتبت الأديبه الشاعره : نهى حمــزه

وكأنك جايلى من مشوار طويل
كنت جمبك
وكنت خلفك
وساعات كتير كنت باشدك
عشان تحقق الحلم الجميل
عمرى ما مليت
ولا حسيت
إنى فى المشوار تعبت
وبكل شىء فى المشوار قبلت
كان الأمل إنك تكمل
وكان عنادك كتير كتير
بس كان بيزيد فى نفسى قوة تحمل
وكنت باخفى عنك وجع
وأبينه على إنه منك حبة دلع
وابتسم فى رحلة تجمل
كنت والله كلى يقين
إن إبتسامة حلمنا جايه جايه
لو بعد حين
بعد يوم .. بعد يومين
بس والله ما فرغ منى اليقين
وأهو يا سيدنا باقيله يوم أو يومين
باقى فرح ملو الحياه
بسمة حياه
منوره فوق الجبين
الحلم إيده صغيره
يا قلبى انت يا سكره
يلاغى من قلبى الفرح
مالى كده متحيره
بالراحه يا ست النهى
تمام يا بيه
يا نونه إنتى يا صغننه
يا حلم مشيته مشوار طويل
ياااااه أد إيه فات منا كتير
وأد إيه طال المسير
وعلى حضورك
وعلو نورك
ضبط عليك الوقت
والعمر قضاها معايا جميل
أهو باقى لسه فيه شويه
وشويه كنت واحده رخمه
وشويه كلمه وشويه ضحكه
وكان إصرارى كبير
يا حلم نورت حياتنا
مش مهم إنى أشوفك
مش مهم يسعد قلبى صوتك
مش مهم مش مهم
زى كتير عودونى إنه لأ .. ومش مهم
المهم إنى أحسك
يكفينى حسك
ودا بالنسبه ليه كتير .. كتير
بقلمى 🖋
#نـهى_حـمــزه

معلومة تهمك

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: