قرار نجاح

0 122

معلومة تهمك

(قرار نجاح)
بقلم /أمانى محمود
الباحثة في الصحة النفسية.
اولا لاااااازم تاخد القرار انك عاوز تنجح …
امسك ورقه وقلم .. اكتب حلمك .. لازم تؤمن بأنك انسان ناجح حتى لو فشلت في حاجات كتير لازم يبقى عندك اصرار وعزيمه انك هتنجح في تحقيق حلمك وهدفك .. ثق في نفسك وفي قدراتك الذاتيه ..
ربنا خلق كل إنسان عنده موهبه في شيء معين أو قدره بيتميز بيها حاول تعرف انت موهبتك او قدرتك في ايه وحاول تنميها وتخرجها على هيئة طاقه توصلك للنجاح ..
لما تخطئ في شيء معين حاول تتفادى الخطأ واتعلم منه ومتكرروش تاني واهم من ده كله انك تعترف بخطأك ..
الالتزام … اذا اردت النجاح لازم تكون انسان ملتزم .. سواء في وقتك او في إتقان عملك .
التحدي .. اتحدى نفسك والظروف واي حد يحاول يحبطك او يقلل من عزيمتك … التحدي ده هيكون الحافز اللي هيدفعك للوصول لطموحك وهدفك .
التميز .. خليك متميز في الشيء اللي عاوز تنجح فيه يعني ابتكر وفكر واجتهد وبلاش تقلد حد كون مميز بفكرك ونميه بالاطلاع والمعرفة .
الآراء السلبية متخليهاش تحبطك وتخليك تيأس بالعكس خليها الحافز والدافع اللي يجعلك تعدي اي عراقيل تواجهك .
الاستيقاظ مبكرا .. يجعلك في قمة نشاطك ويخليك تقدر تنجز أمور كتيره جدا في وقت قليل جدا .. واهتم بصحتك علشان بتنعكس على الحاله النفسيه .. ونام كويس لان النوم الجيد يؤثر على أداء الذاكره .
الوقت .. اتعامل مع الوقت كأنه ثروه حافظ عليه متضيعوش منك علشان الوقت اللي بيضيع منك عمرك ما تعرف تعوضه .
لو كان حلمك كبير قسمه لأحلام صغيره يعني حقق حلمك بالتدريج لحد ما توصل وتحققه.
القراءه والإطلاع سبب مهم جدا للنجاح .. لازم تدور وتبحث وتتعب علشان توصل المعلومه تفيدك للوصول لحلمك .
فيه سلبيات ممكن تؤثر على نجاحك حاول تبعد عنها علشان تتفادى الفشل لا قدر الله .
متقارنش نفسك بالآخرين فتشعر بالفشل وتضيق نفسك
عليك فقط أسأل نفسك ايه الطريقه المناسبه لتحسين حياتك وتخليها الافضل .
واخيرا انا بؤمن بمقوله مهمه جدا للأمام علي بن أبي طالب :
” كل ما متوقع آت فتوقع ما تتمنى”
يعني لو توقعت انك هتبقى في يوم من الأيام مليونير هتبقى مليونير والعكس صحيح فدائما توقع لنفسك دائما التفوق في دراستك او النجاح في عملك أو النجاح في تربية اولادك او اي امنيه نفسك تحققها .
” فمن يحسن الظن بالله لايخذله الله ولو خذله اهل الارض جميعا “

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: