قطار الأماني

كل اللي حبوا قلوبنا ما استنوش

قطار الأماني
كتبت / آمال مصطفى

كل اللي حبوا قلوبنا……………. ما استنوش
كل اللي خبوا عيوبنا…………….. ما اتهنوش
كل اللي سابوا أيدينا…………. وسط الخوف
حلفوا برجوعهم…………… بس لسه مجوش
كل اللي فاضل في الطريق………… متاهات
كل اللي ناضل في الحياة…………. مخدوع
كل اللي صدق…………………. لمعة البدايات
اتبح صوته وبرده……………… مش مسموع
عمرك وهو………………….. بيتسرق بشويش
هتعيش لحلمك…………… ولا اكل العيش؟!
لسه السؤال العادي……………… ايه مالك ؟!
لسه الإجابة في كل مرة………………. مفيش
عيل وشيلت الهم…………………….. من بدري
واتاك حنينك…………………من حيث لا تدري
واقف مكانك…… ………….. والزمن يجري
عايش في وهمك…………….. والجميع بيغش
إيه اللي خدته…………….. من الحياة والناس
غير حضن بارد…………………. انتهي بمعلش
وقطر الأماني………………. اللي عطلان تملي
ويسلملي ذوقك……………………. والله يخلي
ودوشة ومشاكل………………… ولحظة تجلي
واعمل حسابك………………………هنسهر سوا
ياريت وانت راجع……………… تجيبلي الدوا
ملل وازدحام……………………… كسل والتزام
كلام جاب كلام
لقيتني في مدينة………………جميلة وحزينة
بتتسلي بينا………………………..وترفض تسلي
وتمسك أيدينا………………………وتفلت أيدينا
وايام بتصدق………………………….وأيام تخلي
في قطر الأماني اللي……………. عطلان تملي

معلومة تهمك

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: