شمس التقى
كلمات /سحر متولي
قصيدة بعنوان شمس التقى
الفكرة بايتة ف مهدها
تحلم تشوف شمس التقى
ياشمس ليه تتبغدي
ماتشرقي بسرعة بقا
الإنتظار ليه طال كده
هل مستحيل يصبح مابنا يوم لقا ؟
كله يهون لجل العيون اللي بتطرح شقشقة
مع الألم مع الضنا عشت كتير مر و شقى
كل الأماني ممكنه بدعوة واحدة لربنا
أسجد ولله اقترب
ليه عن سجودك مغترب ؟
إختم بتأشيرة السفر
لسكة أبعد م القمر
فيها العزاز وناس لذاذ
مش بردو ده من حقنا
الحل أهوه سهل وبسيط
لا بفتح درج ولا وسيط
إرفع جبينك للسما
حتلاقي رحمة ربنا