قصيدة سالتنى…..
. كلمات الشاعرة مريم شحاتة
سالتنى عمرى كام ؟
رديت عمرى بالايام
ولا عمرى فى البطاقة
ولا عمرى فى المرايا كام
عمرى مجرد أرقام
فى حياتى وسلام
ياما ناس عايشة
فى نظرنا هما أوهام
وياما ناس ماتت
لكن عايشة جوانا
عمرها فى يوم
ما قالت للقلبك سلام
انا عمرى سنين معرفش كام
لكن عمر قلبى اعرفه بالتمام
يبقى بالحظات الحب والاهتمام
بالحضن الدافئ يضمنا
من غير أسئلة ولا كلام
قلب من غير بوابة
ولا يسألني دفعت كام
يفهم دموعى قبل الكلام
لم تيجى تقول بحبك
تبقى فى مكانها بالتمام
غير كده سيب مكانك
قوم وامشى وقول سلام
يارب اكون قدرت ارد
واقولك عمرى يبقى كام.
M.sh ✍💔mariam