بلا مرسي

بلا مرسى

بقلم نجلاء الشنواني

كل القصص بدايات
ورواية ونهاية
وانا قصتى بالذات
مجهولة الغاية
لا فهمت ليه أو فين
والحيرة متمكنة
ولا ليه بقينا اتنين
تجمعهم الأمكنة
نبعد بدون توديع
نرجع بلا أسئلة
واللهفة بينا تضيع
وقلوبنا متحملة
يا مرتجى روحى
بوحك رجا بوحى
لا تقول ولا تمنعه
ولا توصف الإحساس
ولا تنتهى القصة
كما كل حكاياتنا
يا صعب أوقاتنا
جوه الحياة المبهمة
وكلامنا كان همهمة
لا هو واضح المعنى
ولا شافى شوق النفس
عشم القلوب الحس
والنبض كاتم صوت
شايف خروجه الموت
فى حضن ترتيله
فنصيحتى لا تجيله
تتغير القصة
وتصير كما القصة
بدايتها حضن الليل
روايتها هجر وويل
نهايتها لا مرسى