الدكتورة شيماء محمد كامل ” التعامل الأمثل لطبيب الأسنان مع مريض الصرع

الدكتورة شيماء محمد كامل " التعامل الأمثل لطبيب الأسنان مع مريض الصرع

معلومة تهمك

الدكتورة شيماء محمد كامل ” التعامل الأمثل لطبيب الأسنان مع مريض الصرع
كتبت شيماء كامل
ازيكو ..
النهارده هتكلم عن مرض شائع جداا و كلنا عارفينه
بس مش هنشرح المرض ..لالالا
احنا هنوصف طريقه التعامل معاه في عيادتنا
هو epilpsy (الصرع) الكهربا الزياده فالمخ
ندخل فالموضوع عالطول
*اول حاجه و انا بشوف انها مهمه للتعامل مع اي بيشنت اعطيله الاحساس انه طبيعي و لكن انا هاخد بعض الاحتياطات حفاظاا علي سلامته و بالذات بيشنت ال epilepsy لانه بيبقي محرج .
* تاني حاجه بعد ما اخدت ال history و عرفت انه عنده epilepsy هعمل ايه
انا كدكتوره لسه في البدايه بحب اعمل حاجه لطيفه لو البيشنت مش حاله طوارئ emergency
بفضل ان اول جلسه تكون دردشه علشان اشيل كل التوتر من عليه و اعرفه طبيعه الشغل و طبيعه اللي هنعمله الجلسه اللي جايه و اسمعه جزء من اصوات الاجهزه اللي ممكن يسمعها علشان ميتفاجأش بسماعها
* تالت حاجه البيشنت نورني؛ الجلسه اللي بعدها في عيادتي هعمل ايه
& اول حاجه يجيلي بدري و مواعيد ميبقاش فيها زحمه بحيث ابعد عنه انه يختلط بأي مريض فالعياده و يبدأو يحكو لبعض اي تجارب سيئه عن دكاتره الاسنان و دا هيزود توتره و انا عاوزاه هادي و رايق
* رابع حاجه دخلي العياده اول ما يقعد عالكرسي :-
& اتأكد ان معاه الدواء بتاعه
& اضبط الكرسي في وضعيه مريحه للبيشنت و لتنفسه
& ومننساش الضوء الضوء الضوء بتاع الكرسي ميبقاش في عينه لانها من الحاجات اللي بتساعد انه ممكن يدخل فالنوبه مع المحاولة بقدر الامكان ابعد ادواتي عن مستوي عينه علشان اقلل التوتر

طيب ولو حصل و البيشنت دخل مني فالنوبه هعمل ايه ؟؟
* اول حاجه اهدي و خليك رايق ك دكتور
* اروح للبيشنت احطه في وضعيه ال supine
* احاول افتح الفم علشان ميعضش لسانه
* ابعد اي ادوات حاده عن المكان اللي هو في
*استني شويه لحد ما يخلص النوبه و و يهدي بعدها ممكن اكمل شغلي عادي
في النهايه عفانا الله واياكم من الامراض ودمتم مبتسمين .
د /شيماء محمد كامل

معلومة تهمك

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: