وداعاً عروس الجنة سلمي الزرقا .. حاربت السرطان بيد واحدة بعدما بتر الثانية

معلومة تهمك

متابعة: محمود علي

 

دي قصة سلمي الزرقا للي ميعرفهاش
آخر كلمتها “أشهد أن لا إله إلا الله وأن محمد رسول الله. أحبكم”
ونحن نحبك يا سلمي وندعو لك بالرحمة صبرت علي المرض لسنوات، اللهم اجعل صبرها على مرضها في ميزان حسناتها
salma elzarka

معلومة تهمك

قصتها إيه سلمي الزرقا عروسة الجنة دي بنت مصرية جدعة فى أول عمرها.. بتشتغل فى الأكاديمية العربية دكتورة.. أيوة دكتورة .. جالها سرطان فى 2015.. سرطان العظام النادر .. “سلمي” بدأت مراحل العلاج والأمور بدأت تتحسن..

 

 

بعدها بـ شوية تانيين لكن المرض رجع تاني وبشكل أشرس، والدكتور أخد قرار صادم ومفاجىء.. لازم يتم بتر الدراع اليمين بالكامل عشان المرض ماينتشرش.. صعوبة تنفيذ القرار فى إن دي الإيد الأساسية لـ “سلمي” واللى بتعتمد عليها فى كل حاجة.. بس للأسف لازم.. بتوافق “سلمي”!.. بيحصل البتر!.. تقعد بقي “سلمي” وتستني وتقفل على نفسها؟.. لأ.. إتعلمت الكتابة من أول وجديد بالإيد الشمال عشان عندها حلم إنها تكمل دراستها الأكاديمية العليا!.. يا بنتي إنتى فى إيه ولا فى إيه!.. لأ.. أنا مش فاضية بلا سرطان بلا بتاع.. أخدت الماجستير، وكملت عشان تاخد الدكتوراة كمان!..

 

 

 

وتبقي الدكتورة سلمي واتجوزت خطيبها اللي مستغناش عنها بعد عملية البتر كمان.
سلاح “سلمي” الأساسي فى القصة دى كلها وزى ما هي بتقول كانت القرب من ربنا اللى خلاّها تتحمل أى تعب وتكون واثقة إنه فى النهاية هيغلفها بـ رحمته مهما كان اللى هتشوفه.. ربنا هو اللى فى إيده كل حاجة.. المرض.. الشفا.. التوفيق..

“سلمي” كانت عظيمة وقريبة من ربنا وقالت ” القرب من ربنا شئ جميل وبيريح النفوس “.
لكن المرض اللعين انتصر علي الدكتورة سلمي وتوفاها الله.

سلمي الزرقا قربت من ربنا أوي وزي ما قولنا ده كان آخر بوست ليها “أشهد أن لا إله إلا الله وأن محمد رسول الله.. أحبكم”
تاني : ونحن نحبك يا سلمي وندعو لك بالرحمة صبرت علي المرض لسنوات، اللهم اجعل صبرها على مرضها في ميزان حسناتها.. ادعوا لها بالرحمة
وداعاً #سلمي_الزرقا

 

 

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: