يا عم الطبيب يامداوي بقلم: د. عبدالعزيزسالم الغنيمي

الطبيب المداوي

يا عم الطبيب يامداوي
كتب: د. عبدالعزيزسالم الغنيمي
ياعـم الطبيب يا مداوي شوف لي كدا ف شنطتك دوا لحالي
و مد إيديك و خد وجعي ….. و خـوفي من زمـن كداب
و نسيني اني ياما قدمت بإيدي الخير للي. خانوا العشرة و باعوا الغالي برخيص
ولا صعب عليهم يوم حالي
و نسيني اني كنت انسان وقلب سليم لكنهم ضمروا الخيانة ونسيو كل اعمالي
ولا صعب عليهم يوم حالي
و شيل وامسح من عينـي دمعتها
وشيل وامحي من روحي كسرتها …. وخد تجاعيـدي من وشي
و خد م العمـــــر. خوفي و. أحزاني
و خد كل اللي يوم خانوا … و هاتـلي نـاس شبه روحي مع طيبتي
ولو عمـري سنيـن يامـا ….. ولو ضعـف السنين دي كمان بس اعيش انسان
و خد كل الزمــن الكئيب مني …. وهات سنه واحده بس تبقى أمان
يا عم الطبيب يامداوي خد مني كل اللي خدعوني وخانوا عهدي كلهم .. و الٱن
و خد عشرتهـم الخايبة ……. اللي سايبه
بقلبي ندبة ندم
و تـل من الوجع وجبال من الاحزان
وهات صاحب لوحده بس …. يكون وسط الحياه الصعبة بقلب فيه إنسان يوم توجعني ايامي يكون لي سند وامان
وهاتلي حبيبه شبه أمي بطيبتها .من قسوة الدنيا تواسيني
و خد حيرتي و خد دوختي .. وخد حالي اللي ياما ضاقت به الحال
و هاتلي وقت ما اجي انام … ضمير راضي و راحـة بال
و خد بالمره ماضي حزين …. بناسه
وصحبته الخينين
ب أحلامــــه و أوهامــــه …… و أيامه اللي فاتـوا وضاع وياهم من العمر سنين
و لو صعبـه عليك .. حبه ….. و هتجيب كل ده من فين
ف عاوزك تعالج الخــونه .ب دوا منك تقلبهـملي بني ٱدميـن وتصحي الضمير فيهم
لا فعــلا صعبــه وانت طبيب لا ساحر ولا
ولا حاوي
وشكل الهـم أهو جـالك وصعب عليك حالي
سرحت كتير .. ومش ناوي …… و بتفكر .. في أحوالك وكيف دي هتعملها وشكلك كدا صعب عليك طلبي ومش تقدر وحتي
المخاولة مش ناوي
انا اللي ب إيدي راح اداوي اوجاعي وطلبي انساه وشيلوا من بالك والخلقني
فوضت اليه امري
هو كفيلي وامري ف ايدو
وعليه صلاح حالي

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: