قواعد وحالات صرف المعاش للمراه المصريه

قواعد وحالات صرف المعاش للمراه المصريه

 

كتبت:  اسماء عوض

 

معلومة تهمك

البنت التى تستحق معاش والدها المتوفي لابد ان تكون انسه أو مطلقه او ارمله فقط
ويجوز لها ان تكون موظفه
فى حاله ان تكون موظفه يتم حساب مرتب الابنه كام ومعاش والدها كام لو كان مرتبها اكبر من معاش والدها لا تاخد المعاش ولو مرتبها يساوي معاش والدها لا تاخده أما لو مرتبها أقل من معاش والدها هنا هتصرف الفرق بين مرتبها وبين المعاش
يعني لو مرتبها مثلا 500جنيه ومعاش والدها 1000 جنيه مش هتصرف المعاش كله لكن هتصرف منه 500 جنيه بس اللي هو الفرق بين مرتبها ومعاش والدها
لو الابنه دي موظفه بتاخد مرتب وفي نفس الوقت ارمله بتاخد معاش زوجها المتوفي ينفع برضه تاخد معاش والدها
بتقدم على معاش والدها بتقدم بيان بمفردات مرتبها وكمان بتقدم بيان بمعاش زوجها المتوفي ويتم جمع الاتنين لو هما قد معاش والدها أو اكبر منه خلاص مش هتصرف معاش والدها أما لو كانوا أقل منه بتصرف من المعاش الفرق بينهم فقط.

 

الارمله اللي كانت بتاخد معاش زوجها المتوفي تزوجت مره اخري واتوقف صرف المعاش بتاع زوجها المتوفي لو اتطلقت من زوجها الأخير لا ينفع ترجع تاخد معاش زوجها المتوفي تاني .

 

لو الموظفه دي علي المعاش اصلا وبتاخد معاش من شغلها ينفع تاخد معاش والدها
يتم عمل الفرق بين معاشها وبين معاش والدها

المطلقه طلاق رجعي لا تستحق معاش والدها؟ لازم يكون الطلاق بائن
الطلاق بائن؟ يعني سيده زوجها طلقها وانتهت فترة العده دون رجوع فأصبح الطلاق بائن
المطلقه بتصرف المعاش من تاريخ الطلاق وليس من تاريخ انتهاء فترة العده بتصرف من الشهر التالي لحدوث الطلاق مش من تاريخ انتهاء فترة العده .
المطلقه اللي بتاخد معاش والدها وتزوجت مره اخري هيتوقف صرف المعاش لو اتطلقت من زوجها التاني يجوز ترجع تاخد معاش والدها مره اخرى المطلقه بالخلع او بالمحكمه زيها زي المطلقه عند المأذون من حقها تاخد معاش والدها .
يجوزالابنه تجمع بين معاش والدها ومعاش والدتها بدون حد أقصي .

 

نصيب الابنه دي من معاش والدها
لو البنت دي لوحدها مفيش غيرها بتاخد تلتين المعاش ولو كان معاها والدتها اللي هي أرملة صاحب المعاش ومفيش اخوات تاني يبقي البنت هتاخد النص والام النص ولو البنت معاها اخوات تاني مستحقين و الام مش موجوده بيتم تقسيم المعاش بين الاخوات بالتساوي ولو البنت معاها ام واخوات وجد وجده اللي هما والدي صاحب المعاش المتوفي يبقي الام هتاخد التلت والبنت واخواتها هياخدوا النص والجد والجده يشتركوا في السدس .

المطلقه بتصرف المعاش من الشهر التالي لوقوع الطلاق
وليها الحق تصرف جميع الشهور السابقه كمان وبيسموه المتجمد وده بحد أقصي خمس سنين سابقه فقط يعني بتصرف المعاش بأثر رجعي لحد خمس سنين عدت مره واحده .

قواعد وحالات صرف المعاش للمراه المصريه

قواعد وحالات صرف المعاش للمراه المصريه

 

 

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

اترك رد

لن يتم نشر عنوان بريدك الإلكتروني.

%d مدونون معجبون بهذه: