في عيد ميلاد مجدى ابو عمير

في عيد ميلاد مجدى ابو عمير

صموئيل نبيل أديب

 

انت عارف ان مسلسل ذئاب الجبل كانوا مسميينه النحس..
لان هما بيحضروا فيه و المخرج قاعد مع الكاتب و الممثلين حصل زلزال أكتوبر 92 و طلعوا يجروا علي السلالم اللي كانت بيهتز و الحالة كانت كرب.. .

شويه و عمة المخرج توفت. و المخرج اتكسر دراعه…

شرير المسلسل الأساسي الممثل صلاح قابيل في دور (علوان ابو البكري) مات بعد ما صور جزء كبير من المسلسل ، المخرج يتصرف و يجيب القدير عبد الله غيث.. و يعيد تصوير المشاهد من تاني..

يقوم ربنا يختار عبد الله غيث و يموت و يكون المسلسل علي وش إنه يتحفظ في الأرشيف و يترمي..

لكن المؤلف قدر انه يعيد صياغة المسلسل مره تانيه و المخرج يستخدم صور قديمه في براعة كبيرة .. زي مثلا مشهد قتل ياسين ( اليدين بتوع صلاح قابيل.. و الصورة وش عبدالله غيث) ..
و يغير النهاية و يستخدم المشاهد القديمه في إعادة عرضها بزواية مختلفه

يخلص النحس علي كده.. لا… الطفل الصغير ابنه سماح أنور ( بدوره) يقع من ميكروباصِ و يموت و تكون كارثة جديدة تضاف لمسلسل كل الظروف وقفت ضده علشان ما يشوف النور..

إلا انه كان وراه مخرج مبدع عمل المستحيل علشان يطلع للنور و يكون أجمل و أفضل مسلسلات الصعيد على مدار تاريخ التليفزيون و يكون المسلسل الأكثر عرضا علي القنوات الفضائيه هو و مسلسل لن اعيش في جلباب أبي

النهارده عيد ميلاد المبدع الكبير اوي اوي اوي

المخرج مجدي أبو عميرة

كل سنه و حضرتك طيب