زمن اااااللوع
بقلم/عماد الأبنودي
نتحملهم وقت وجعهم
و لما نغلط بيحاسبونا
و كتير كنا ياما نسمعهم
و مع أول غلطة بيفوتونا
كدب مزوق بمعني الحب
و المصالح ضمير مستتر
جرح جديد مزروع للقلب
و المشاعر طلعت صفر
أه يااا زمن اللوع توبك
متفصل كدا على مقاسك
فيك دورس دوماً و عبر
و حاجات راكبه ع مقاسك
الغلط يكشف عن الغلاوة
عايشة بصحيح ولا ماتت
حكم الأيام …. ديه قلابة
كلو يحسسك إنك ف غابة
خسارة يا حب نقول إسمك
و في خانة المهانة بيحطوك
لحظة طيش كلو يخصمك
و بالندلة ليه ….! يرموك
لملم الباقي ليك و إرحل
زمنك خلاص عدي زمانه
لو كنا نفرق دايما معاهم
كااااان تأثيرك بأن مكانه
تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة
تنبيه