عفوا نفذ رصيدكم

عفوا نفذ رصيدكم/ نادية البديوي

لقد نفذ الآااان رصيدكم

دا الود كان من قلبنا

والهجر كان من عندكم

و الحب كان موصول مابينا

بسلوك أمل بتعزكم

أحلامنا كانت طير برييييء

فرحان أوي بعشكم

مات البريء فى سردكم

مقهور يا ناس من غشكم

رحل خلاص ونفذ معاه رصيدكم

دى قلوبنا كانت مشحونة ديما بحبكم

كنسلتو كل التضحيات بغدركم

كل الأمانى أتبعترت

واتيتمت على يدكم

والجرح …

الجرح كان موصوف لقلبى

فى حيكم

كفاياكم خداع بقى

ده الشحن كان على قدكم

والعمر عيشته لأجلكم

ضيعت كل دقيقة فيه

ويؤسفنى جدا أقول لكم

آخر مكالمة منكم

نفذ الآااان رصيدكم 😔
……………………
شاعرة الكرامة