ثرثرة نفس

ثرثرة نفس
كتبت/ امال مصطفى
محدش شاف سنين عمري…………وهي بتجري ع الفاضي

ولا الحب اللي حبيته…………………لناسي وأهلي وأصحابي
لعشرة وخوف على حبايبي………..وكله دا راح مع الماضي

محدش عنده طب كلمة………………أشاور بيها او أنـــــادي
اقول لشبابي يوم يرجع…………………يرجع نبضي وفؤادي

ولو بضفايري وانا بالعب……………..قصاد بيتنا مع صحابي
يعوضني عن الوحدة………………وعلى الناس اللي بتعادي

تعبت وتعبي فاق طاقتي………….وحتي الصبر مش راضي
لاسابلي ذكرى يوم حلوة……………اقول واحكيها لأحفادي

غير الجرح اللي صاب قلبي…………….من الأيام وقسوتها
وم الناس اللي حبيتها…………………وبقي اهمالها وفراقها
في دنيا الكذب دا العادي.