قهوة على شرف الحب

قهوة على شرف الحب

بقلم: أمل محمود

الحب عندي ياسادة
قهوة مضبوطة موش سادة
محوجة بطعم صاحبها
ماركة شعور كله سعادة
الحب موش كلمة بتنقال
وسطور بتكتب منعادة
ولادموع واهات وأنين
وسهر وحرقة بزيادة
الحب عشق الروح للروح
وحنين وشمعة متقادة
ترسم لنا دنيا جميلة
وشمس صاحية وفياضة
تقول لنا يا صباح الخير
خلي الأمل عندك عادة
الحب دايما طعمه جميل
لما ٩ يبقلها دليل
وحبيب يطبطب بهوادة
ولما أتعب في يوم ألاقيه
و صدره راحة ووسادة
الحب رحمة مابين اتنين
دا الحب دنيا ولادة