أساسيات في حياة الإنسان

أساسيات في حياة الإنسان

بقلم / أسماء محمود صلاح

فى احدى المحاضرات وسط نقاش فعال تحدث احدهم وقال انا لو فتحت الباب وملاقتش اولادى بيجروا ويتسابقوا انهم يستقبلونى انا بحزن بحس أنى قصرت لان اولادى اغلى ما فى حياتى جميله مشاعره اتجاه اولاده عكس اب تانى يدخل البيت الكل يسكت ممنوع الكلام او اللمس عايزه اوضح ان الطفل اللى اتولد وعاش حياته فى بيئه مريضه زى ام رفضته او اب عنيد ومش بيحب زوجته وبيعاقب طفله بس لان دى مامته بيطلع طفل غير سوى ومتعايش وقابل المشاكل جدا ومتأقلم وعايش فيها هى دى منطقه الامان بالنسباله ولذلك لما يدخل فى علاقه سويه مبيرتحش فبيفضل انه يخرج منها لانه مش مرتاح وبيدخل علاقات كتير مش سويه وبيقدم فيها تنازلات كتيره وبيضحى ويجى على نفسه علشان يحتفظ بأشخاص غير اسوياء ويفضلهم عن السواء النفسي يعنى مثلا بيلجا لشرب المخدرات ويصاحب اصدقاء السوء ويقلد اشكالهم والفاظهم وسلوكهم بيفتعل مشاكل كتير ومنهم بيلجأ لسلوك اجرامى وبنت اتجوزت راجل متجوز او اكبر منها بفرق كبير لكن متقبلش تتجوز واحد لوحده او فى سنها الناس عند الدخول فى رحله العلاج تلاقيه مذبذب اللى هو انا هتقفش واتعرى لا انا مرتاح كده يبقى بيتمرجح بين يكمل ولا لا انا مش شايف ان بتحسن انا حاسس ان بضيع وقتى وهو اصلا مضيع حياته كلها هو بس رافض يدخل لحاله الاستقرار لان بالنسباله الامان فخ ايه ده انت حلو ومش هتخدعنى ولا هتغدر بيا لا مش مصدقك انا هسيبك قبل ماتسبنى ويخاف لانه اصلا فاقد اربع اساسيات في حياته وهما الهجر والاهمال والثقه والشعور بالذنب نصيحتى ليكم ومن قلبى حبوا اطفالكم من وهما بيتكونوا فى ارحامكم مختاروش انهم يجوا الدنيا مختاروش اب ولا ام فالمهمش ذنب تعاقبهم بحاجات هما معملوهاش ولو غلطوا وفى عقاب يكون بحب وبرحمه خوف عليهم متعاملش طفلك على انه كبير والمفروض يطلع لعقلك لان غلط وانت اللى واجب عليك تنزل لعقله حنوا على بعض متعاملش مراتك وحش او تزعقلها قدام طفلها ولا انتى تهينى جوزك او تغلطى فيه فى غيابه قدام طفلك بلاش الرهبه والرعب اللى بيسكن قلوبهم بعرف اطفال لما بيعرفوا ان بابا وصل بيستخبوا ويقعدو فى اوضتهم او يعملوا انهم نايمين ويسهروا لما هو ينام ويأكلوا لوحدهم بسبب تعليقات باباهم وانتقاداته السخيفه ومقارنتهم بغيرهم وحرقه الدم اعرف ولد نام ومامته دخلت تصحيه لاقيت بينزف من ودانه من كتر الكبت والقهر نام مكبوت لانه مقدرش يرد او يدافع عن نفسه ارحموا اولادكم وصدقونى الخلفه مالهاش اى لازمه لو الاب او الام معندهمش رحمه ولا عندهم علم كفايه ازاى يربوا طفل علشان كده الدين امرنا ان نحسن اختيار الزوج واختيار الزوجه ده اول حاجه حفاظا على نفسيه انسان ربنا رزقك به وجعله امانه تربيتك لاطفالك واجب عليك وليس فضل منك كى تصل لبر الامان وتحمى نفسيتك ونفسيه اطفالك يجب عليك اولا التصالح مع طفلك الداخلى ومصاحبته اعرف مشكله طفلك الداخلى ايه وحاول تحلها منعا لجد الذات والغضب والانفعال والاندفاعيه والاساليب المرهقه نفسيا ليك ولكل المحيطين بيك
صدمات طفولتك من البيئه او المجتمع والمدرسه والشغل انت مش مسئول عنها ومالكش ذنب فيها بلاش تكرر ده مع اولادك لانك هتكرره بدون وعى حب طفلك الداخلى لتربيه صحيه لاطفالك