كلام بنات وبس …

 

بقلم……

 دكتوره …هبه شعوط

 

في خلال حياتي المهنيه منذ خمسة و عشرون عاماً وحتي الان اتعرض عليا مشكلات كثيرة جدا من طالباتي بالمرحله الجامعيه.. ليها علاقه بالجنس الآخر وده كان حافز ليا لاختيار موضوع رساله الماجستير والدكتوراه فكانت عن المراهقات..

و خلاصه بحث علمي قد استمر لمدة تسعة أعوام.. اكتشفت الآتي:

1- عدم وعي البنات تجاه عقليه الرجال..

2 – عدم توفر الحوار الأسري الفعال ؛ وغلق باب الحوار تجاه علاقه البنت بالولد بدون توضيح و بدون نقاش..

3 – عدم وضوح شخصيته البنت المستقله و تقليد البنات لبعض تقليد اعمي دون التفكير في العواقب..

4 – عدم وجود رقابه علي موبايل البنات و انفتاح بلا حدود علي مواقع الإنترنت ..

بناتي حبايبي :

بلاش تدي ثقه زياده لحد ..

صورك الشخصيه ليكي وبس مش لحد تاني .

امسحي اي صور خاصه ليكي من موبايلك .

خدي بالك ؛ فيه برامج هكر ممكن تخترق موبايلك وتحصل علي معلوماتك السريه و صورك و تهدّدك بيها ..

وده حصل بالفعل لطالبات عندي بالجامعه….

بلاش تنزلي في موعد أو مقابله لوحدك مع زميل ليكي أو صديق …مفيش حد موثوق فيه ..

سُمعتك ثروتك الحقيقيه حافظي عليها بحياتك…

ينفع تكوني بالجامعه في مكان عام مع مجموعه كبيره من زميلات وزملاء ليكي

او في النادي أو المكتبه أو اي اماكن عامه أمام الناس في العلن لان كل حاجه سريه بتكون مخيفه ومريبه…..

الي بيحبك بصدق يحافظ علي سمعتك و يجي يكلم اهلك . غير كده يبقي ؛ وَهْم و لعب و خداع….

لازم تبعدي عن أي صديقه سوء بتساعدك علي عمل السلوكيات الخاطئة مثل التعري و رسم الوشوم و أتباع الموضه الدارجه بدون وعي ..

خليكي ملكه ؛مش اي حد يوصلك بسهوله انتي مميزه ما تقارنيش نفسك بحد ولا تقلدي حد كوني نفسك وكفي …

اختاري حد من اهلك يكون ناجح في علاقاته الاسريه ومريح في النقاش. واستشريه في أمورك الخاصه…

الأهل اضمن من الأصحاب في تلك الأمور و أكثر خبره و حكمه ؛ و موثوق فيه أكثر في الحفاظ علي أسرارك ..

 

تحياتي لبنات اليوم و أمهات المستقبل ….

 

د/هبه شعوط

دكتوراه في صحه المراهقات .جامعه الاسكندريه