سيمو «الخاطبة الإلكترونية»: قمة سعادتى.. توفيق «راسين فى الحلال» وتكوين اسرة سعيدة

سيمو «الخاطبة الإلكترونية»: قمة سعادتى.. توفيق «راسين فى الحلال» وتكوين اسرة سعيدة
كتب – هانى زكريا
أصبح كل شئ في حياتنا اليومية فيه جزء كبير من التقدم الإلكتروني حتى الخطوبة والزواج أصبح عن طريق وسائل التواصل الاجتماعي وفي هذا الموضوع التقينا معا الخاطبة سيمو – اون لاين ( أشهر خاطبة إلكترونية في مصر والوطن العربي)
حديثنا عن بداية رحلتك؟
انا واحده زى اى واحده اسم الشهره الخاطبة سيمو عندي 39 سنه اتجوزت فى سن صغير وانا فى الدراسه وانجبت ثلاث اولاد بنت وولدين زوجى شخصيه محترمه جدا وانا بحترمه وهو بيحترمنى وحياتنا مبنيه على الحب والاحترام والتقدير المتبادل من الطرفين
وكمان مفهوم الخطبه اتغير عن زمان مش معنى الواحده تكون خاطبه تكون ماسكه صور عرايس وبتدخل بيوت الناس تفرجها للعرسان والكلام الفاضي ده لا اصبح دلوقتي مفهوم الخطبه ان الخطبه بتعمل اعلانات للباحثين عن الزواج بهدف الاستقرار وتكوين بيت واسره وانا عن نفسى أرفض موضوع الصور ومش بحب أعرض صور عرايس عندى لان دى خصوصيات ويفضل المقابله تكون مقابله شرعيه فى مكان عام بين الأهل طبعا
كيف تتواصلين مع البنات والشباب؟
العرايس والعرسان وخصوصا أولياء الأمور بالنسبه للعروسه هما بيتوصلوا بي عن طريق صفحتي (الخاطبة سيمو) على الفيس بوك فقط لانى انا معنديش مقر ولا مكتب
ما الفئات التى تتقدم للزواج الإلكترونى؟
جميع الفئات من سن ١٨ سنه الي سن ٧٥ سنه ومعظمهم انيسات فى سن ما بعد ال ٣٥
دكاتره ومهندسين ومحاميين وظباط ورجال أعمال
وعرسان طالعين ع المعاش وعرسان من ذوي الاحتياجات الخاصة وعرسان أعمال حره
هل انتهى زواج الصالونات؟
لا طبعا زواج الصالونات موجود ومازال وزواج ناجح جدا
وما الهدف من عملك كخاطبة خاصة أنك لا تتقاضى أجرا؟
بسم الله الرحمن الرحيم
ومن آياته ان خلق لكم من انفسكم ازواجا لتسكنوا اليها وجعل بينكم موده ورحمه ان في ذلك لايات لقوم يتفكرون صدق الله العظيم
بدأت رحلتي..فى موضوع الخاطبه ان ليا أصدقاء فى سنى ولم يتجوزا لحد الان بحكم ان مفيش اى تعامل مع الجنس الاخر لان أهلهم تقدر تقول فى حالهم ملهمش معارف أصدقاء
فصراحتا الموضوع ده كان بيأثر فيا جدا ..لماذا لم يتزوجوا ويكونوا اسره ..
هيا فكره وجت ف ثانيه ونفذتها
قررت اجمع راسين فى الحلال زواج شرعي على سنه الله ورسوله هو الموضوع كان مخجل فى أوله
لكن بالفعل سعيت وكان اول عروسه زوجتها كانت زميله لي في عمر ال ٣٥ سنه كان عن طريق الصفحه أعلنت عليها وبالفعل اتواصلت بعريس فى سن ال ٤٢ وحصل توافق واتفاق بين الأهل واتزوجت ولله الحمد ودى كانت بدايه الرحلهانا ذكرت لحضرتك
وعندي نظام صفحتي على الفيس بوك عباره عن اعلانات زواج مجانيه للناس الغير مقتدره اثناء البث المباشر واعلانات برسوم رمزيه بتكون عباره عن اعلان خاص بالعريس او العروسه برقم تليفونه داخل الإعلان والهدف من ذالك التواصل السريع بالاهل وبالفعل الإعلانات دى جايبه نتيجه مرضيه وعرسان كتير اتجوزت عن طريق الإعلانات ولله الحمد.
ما أكثر المواقف الطريفة لحضرتك؟
اكتر حاجه بتضحكنى لما اوصل عريس بعروسه من اول يوم ويحصل توافق وبعدين العروسة تتصل تشتكي وتقولى العريس بيغير جدا عليا
بضحك صراحتا هو انتا لسه عرفتها عشان تغير والغيره فى حد زاتها حاجه مش حلوه لازم الحواز يبقا مبنى على الثقة بين الطرفين
ما نصيحتك للشباب المقبلين على الزواج وبداية حياة زوجية جديدة ؟
الزواج الصح لازم يكون مبنى على الاحترام والثقه المتبادله ده اهم شئ والهدف من ذلك تكوين اسرة متحابه والتعاون بين الطرفين فى بناء اسره واطفال ناجحين واخيرا
اهم شئ مصدقيتى فى شغلى وانا قبل ما بعامل العرسان او العرايس بعامل ربنا فى شغلى وكل هدفى اجمع راسين فى الحلال
وكمان لما عريس او عروسه بتراسلني لازم اخد منهم بياناتهم بالكامل وربنا يسعد ويفرح جميع البنات والشباب وتحققوا كل اللي بتحلموا بيه ان شاء الله