شيخ متصوف يطالب بوقف مسلسل المداح لانه يشوه الصوفية ويروج للماسونية

شيخ متصوف يطالب بوقف مسلسل المداح لانه يشوه الصوفية ويروج للماسونية

شيخ متصوف يطالب بوقف مسلسل المداح لانه يشوه الصوفية ويروج للماسونية

متابعة / أحمد فوزي حميده

معلومة تهمك

مع اني لا اتابع اي مسلسل في رمضان لكن يحكي الجميع ان مسلسلات رمضان هذا العام رغم تعددها وكثرتها لكنها جميعها تهدف إلى تشويه قيم أخلاقية ودينية لدى الناس مع نشر البلطجة وثقافة العنف وقد قرأت على الفيس بوك صفحة صديقي الشيخ ابراهيم صبح وهو من أبناء محافظة دمياط وينتمي للطريقة الرفاعية هذا النقد للحلقة الاولى لمسلسل المداح في جزئه الرابع بطولة حماده هلال حيث طالب بوقف عرض المسلسل لانه يشوه التصوف والصوفية ويروج للفكر الماسوني حيث يقول الشيخ ابراهيم صبح على صفحته :
الحلقة الاولى فى مسلسل المداح..
اولا مسلسل المداح بيحمل فى فحواه رسالة ياريت نستوعبها كويس..
المداح بيجسد شخصية شاب صوفى تمام..
جميل وشئ كويس مختلفناش..
لكن اللى يزعل بقا هو الاستخفاف بالفكر العام..
ان محتوى المسلسل ربط بين شخصية الشاب الصوفى الجميل ده بالجن والعفاريت..
وانا بأكد إن التصوف بعيد كل البعد عن جو الجن ده تماما..
طبعا مفيش مانع ان الشخص الصوفى يكون راقى الفكر وعنده قدرات استيعابية اكتر من اى شخص وبيكون شخص متفتح جدا وباحث فى جميع العلوم ومختلف المجالات وعلى قدر من المعرفة بعلوم الماورائيات وبيقدر يمييز بين الواقع والافتراضيات..
ووجه اعتراضى هو الاستخفاف بعقول العوام من الناس..
حيث فى الحلقة الاولى من المسلسل ظهرت بعض الرموز

  • الرمز الأول ده هو رمز ولوج الشيطان النارى ولو تلاحظ معايا هتلاقى نفس الرمز ده دايما بنشوفه فى الكمبيوتر ومكبرات الصوت والاجهزة الحديثة بيظهر دايما كإشارة ترمز لمدخل الليدر او الفلاشة او ما إلى ذلك
    صح كده ولا انا بخرف

  • الرمز التانى اللى على صدر الشيطانة اللى هو الشمعدانة المقلوبة او اللى بنسميه المينوار فى لغة الطلاسم..

  • الرمز التالت اللى هو السبحة اللى فى ايد المداح اللى على شكل الختم او بيرمز لـ ناير
    طبعا كل دى طلاسم شيطانية وبفضل الله انا بعرفها كويس وبقدر اميزها واستقبل طاقتها بأدق تفاصيلها كمان فيه ناس كتير بتفهم المحتوى وفاهمين قصدى كويس..
    السؤال هنا بقا..
    مين اللى بيكتب سيناريوهات المسلسل ده ؟!
    ويقصد ايه بإيحاءالرمز ده فى محتواه ؟!
    أو ايه رسالته اللى هو قاصد يوصلها للمشاهد ؟!
    طبعا مستحيل يكون كاتب عادى..

  • طبعا انا بسرد أسألة بدون اجابات او بمعنى أدق مش هقدر أفند اجابتها على العام !!
    لكن اللى عاوز يفهم هيفهم الاجابة من باطن سؤالى..
    وللعلم – أقسم بالله العظيم – وانا بكتب المنشور حالا فاتح قدامى كتاب فيه نفس الطلسم بحذافيره ومش هقدر أصوره طبعا لانى ضد ترويج الطاقة الظلمانية وبعتبرها جريمة فى حق الانسانية.
    سوف اوضح الإجابة بأسالة أدق
    طبعا مش واخدين بالنا احنا ان من بعد سنة ٢٠١١ كل رمضان بييجى لازم تلاقى مسلسل عن الجن زى مسلسل – الصياد – الكبريت الاحمر – ساحرة الجنوب – هى ودافنشى – السبع وصايا – عفاريت عدلى علام – كفر دلهاب –
    واخيرا مسلسل (( المداح )
    والسؤال الأهم لمصلحة من يتم عرض على الشاشات مشاهد محرمة إنسانيا واشمعنى فى مصر وبس بيتم انتاج مسلسلات من النوع ده ؟

  • انا بعرف كويس لغات الطلاسم وبمييز أصولها من طبايعها سواء كان طلسم نارى او ترابى او هوائى أو نارى
    اللى عاوز اقوله..
    ظهور طلسم نارى مرسوم بالنار ده مش تمثيل ولا أكشن ولا جت صدفة..
    بالعكس ده مشهد بيأكد إنها رسايل مدروسة ومقصودة..
    وبعدين معناه فى وقته مع طبيعته له دلائل واشارات مرعبة..
    رمز ولوج الشيطان وفى الوقت ده بالذات بيهدد جميع أمة الاسلام على وجه العموم تهديد رسمى وصريح وواضح..
    الخلاصة
    هل الفنان حمادة هلال كشخص يعرف انه شغال مع الدجال الأكبر وبيروج لفكر ماسونى وبيدخل طاقة السحر فى كل بيت مصرى أم أنه لا يعرف ويعتبر ذلك عمل فقط لذلك يتم استخدامه كأداة للترويج لهذه الأفكار الشيطانية .
    لذلك انصحكم تحموا نفسكم وعيالكم من مشاهدة مسلسل المداح لما يحمله من مؤثرات شيطانية بحتة..
    لانه سوف يفرض مشاهدة طلاسم في المسلسل هذه المشاهد فيها طلاسم نارية مجرد رؤيتك للطلسم بتتعرض لبث مؤثرات الطاقة الأثيرية بث مباشر تلقائى وهو ده هدف انتاج المسلسل بكل سهولة

تنبيه هام، المنشور يعبر عن رأي الكاتب ويتحمل مسؤوليته، دون ادنى مسؤولية علي الجريدة

تنبيه

احصل على تحديثات في الوقت الفعلي مباشرة على جهازك ، اشترك الآن.

معلومة تهمك

2 تعليقات
  1. رامي الغنام يقول

    ماشاء الله احسنت يا شيخ إبراهيم قولت وشرحت ووضحت جعلك الله سهما لراية الحق .

  2. غير معروف يقول

    اللهم صلي علي حضره جناب مولانا سيدنا النبي
    جزاك الله كل خير يا مولانا.

اترك رد

لن يتم نشر عنوان بريدك الإلكتروني.

%d مدونون معجبون بهذه: